كلمات قصيدة ام ولدي وامي مسلم الوائلي مكتوبة كاملة
قصيدة | ام ولدي وامي
أداء | مسلم الوائلي
كلمات | حسن الترابي
_____
يا فاطمة افراگج عمه وتبده بالعين
غمضتي عينج واليتم مو بس للحسين
انه التيتم والبجه
المال وعله جروحه انتجه
مو بس للحسين .. مو بس للحسين
_____
تفارگنه ورديت اتعثر جذبت الموت وصدگته
موش انه اليعثر يا گلبي بس گلبي يگلي اليوم انته
آخ علة موتج مو اي عله لا اموتن بيها ولا اطيب
ساكت بس بگلبي اصياح ولجمة موت وصوت ثغيب
طحت وگفه وما ادري شطايح
صحت ياهو المن عدنه الرايح صحت
ياهو المشه وياهو البقه ارد افهم شصار
الميته انتي لو حيدر علي يالزهره محتار
ما ادري روحي بيا كتر
ياهوه من عدنه بگبر
مو بس للحسين .. مو بس للحسين
_____
غمضتي عيونج وعيوني غمضها الخوف من اغيابج
حلفتج بالعشره وشيبي وجفوفي ايتام اعله اثيابج
آخ يا فاطم حيدر يتوسل وأول مره اتوسل هاي
يم عيوني الخاطر زينب حلفتج تحجين وياي
وگف گلبي وغمضت عيونج
نشف لوني من اتغير لونج نشف
ذابل مثل غصن انكسر من شجرة اعزاز
جناز اريد الفاطمة ولروحي جناز
يا حسرتي بكبر السمه
ام ولدي وامي فاطمه
مو بس للحسين .. مو بس للحسين
_____
حكم الله ادفن بيدي احلامي حكم الله اتعذب بالزهره
يا مره اتعب حد العثره وعالباب اعبر بس ما عبره
آخ عاتبت الباب وسولفلي البسمار اعله اسرار الشوگ
گلي بگلب الزهره عيونك اولها واخر معشوگ
شفت حبك بالزهره شكبره
خفت منك گلت وما اعبره خفت
صادفني شيبك والتعب بعيونك هواي
والزهره گلتلك علي ما تمشي وياي
بس انه خربت الحجي
عفتك يحيدر للبجي
مو بس للحسين .. مو بس للحسين
_____
برماد الباب اشتم عطرج واتخيل صوتج واتبسم
واركض للصوت اعله جروحي ويوگفني اعله الباب الدم
آخ عطر الدم وعطرج وگفن بين انفاسي وحيلي انباگ
غرگ روحي الخوف وموتج مابي يم المحسن راگ
لذت من خوفي بخوفي وضايع
همت وبگلبي الزهره اتنازع همت
يا غربة الما عنده أمل والخاطره يعيش
يطيح الحجي وبلسانه بس امرورة الليش
يا غربة الما عنده اهل
من يزعل ويرضه بزعل
مو بس للحسين .. مو بس للحسين
_____
اشكي المن والضيم البيه لا ينجاس ولا يتسولف
وصيت الگاع اعله عيونج وصيتيني بزينب والطف
آخ افراگج طف وزينب گلبي واگف بين الدم محتار
موتج خيمه وطاحت فوگي وخيام العاشر بس نار
تعب حيدر بفراگج شيب
كتب وداع العباس وزينب كتب
باب الزجيه من احترگ فك للحزن باب
للعاشر ونحر الذبح حط كل الأسباب
والعبروا حدود النبي
تمشي بضعن زينب سبي
مو بس للحسين .. مو بس للحسين
_____
