تچوله الحسن وحسين حماي الحمه الليله
طاح الكون والدم ماخـــــذ اصوابه
عرش الله انفجع ويواسي محـرابه
لون الشيب گالـــــب احمر اخضابه
من الطبره حيدر راح كـــــــل حيله
تچوله الحسن وحسين حماي الحمه الليله
ياليل المصيبه الـــــــــدوهن ايتامه
طبرو چـــــــم فقير ابطبرت الهامه
من بيت الرساله طــــاحت اعمامه
ومال الچان مايعرف شنــي الميله
تچوله الحسن وحسين حماي الحمه الليله
جابو حيدر بيا حــــــــــاله ومصوب
تعثر بالعـــــــــــــــــبايه اتلگته زينب
ينزف مـــن جبينه وشدته ابمعصب
واتگله اعله هــــــونك يامن اتشيله
تچوله الحسن وحسين حماي الحمه الليله
گضينه الليل ندعـي سالم اتكومه
ياربي اليتامه امچلــــــبه بهدومه
ماضم الطبيب وگال حــــل يومه
سبلهه الچفــــــوف وقلت الحيله
تچوله الحسن وحسين حماي الحمه الليله
يم راسه الزلـــــــــم لماها ويگلهه
گلهم هــاي اختكم شيلو محملهه
كض ايد ابو فاضل گـــال تكفلهه
گله ابعيني زينب هــــيه والعيله
تچوله الحسن وحسين حماي الحمه الليله
وين الچان محــــــــد يلوي ذرعانه
متبدي اعله طوله وروحه خلصانه
دفان الزلم وايــــــــــــــــريد دفانه
واحتار الحسن مـــــن راد تغسيله
تچوله الحسن وحسين حماي الحمه الليله
خادم مولاه
شاكر الصيمري
هيه مو كل كسره
هيه مو كل كسره كسره وهاي كسرتنه الچبيره
ولاجـرح ويهون شده ياعلي وحيرتنه حيره
شلون أقنع گلبي نايم وهاي الأنفاس الأخيره
ياأبو ولدك... ياهو بعدك... خيمه ألنه
فقط حضنك.. موش حزنك.. يلم شملنه
ياگلب يوصل حنانك
لا أمان بلا أمانك
لا تفارگنه يحيدر
والله ماينسد مچانك
ياظماد أيكفي جرحك يادوه أيطيبك وجيبه
لسه لچمة أمنه بينه لاتچملنه بمصيبه
ليش بس جرحك يبويه ماگدر يشفي طبيبه
ها يجرحي.. وها يملحي.. والله هظمه
دمعه دمعه ..وماكو رجعه.. الغربه لچمه
الغربه من تفگد حبيبك
ومن يشح منه نصيبك
لو أعتازيناك گلي
منين ياحيدر نجيبك
حاچي زينب ياأبو زينب لا تخليها بدمعها
حين شافت جرح راسك شاطت ولطمت ظلعها
بگد وجع جرحك يحيدر ثق گلب زينب وجعها
تبچي سكته.. تنوح سكته.. يرضه بختك
شيبه شيبه ...تظل غريبه... تالي بنتك
أنته عدها أغله أبتسامه
العصمه والحب والأمامه
شوف ولدك ياابو ولدك
لا تخليهم يتامه
أرد أبوسك خاف ألچمك ياجرحنه ألماله تالي
هيچ من الله معزته وهوه جرح الغالي غالي
شرد أگلك من أودعك راح أگلك يا دلالي
رد يغالي.... ويادلالي.... وياك أخذته
شوف وضعي.. ونار دمعي.. خدي حصته
فززت چم جرح غافي
كافي من الهجر كافي
عوف گبرك هذا حضني
نام بي نوم العوافي
أليمسح بروس اليتامه يتماهم خبر فگده
ياخلگ والله هظيمه ياهو يمسح روس ولده
والگلب لو سأل عنه والله حيره شلون أهوده
الله أكبر ...راح حيدر... راح أبونه
كلها صاحت.. كلها ناحت.. راح أبونه
شلون بينه المغربيه
والمدينه تريد ضيه
هيه مو كل روحه روحه
وروحتك مامنها جيه
✍️حسين حمدان الدلفي
عظيمات الخيم
عظيمات الخيم من طاح الحسين واتغرب ضعـنهن
مشن مثل السراج ابضــــلمة الليل ماواحد فگدهن
خدرهن هذا لو عرش الســماوات
عفاف الخيمه من طلـعن غريبات
هازينب عجيبه اتصــدلج اعيون
عقيله وراحت ابأصعب مسافات
حرامات الخــدر راح راح ومالــه والي
حرامات الوكــت دار بالعلــــــويه تالي
حرامات الضعن شال چان ابأهله غالي
نهار الطف شرار اتحول اشــــــلون يازينب طلعتـي
كل اخوانــــــــچ اعله الرمضه نيام چا المن ركضتي
معانات الخيم من صـــارن ارماد
شبن وانطفن والنــــــــــــار تزداد
نار الخوه شيطفيهه وتــــــــهون
ممشه ابلا ابو فاضل ماهو يراد
عطاشه وماكو فــزاع وين اليفـــزع الهن
ينار الخيمه بهــــداي ماضـــــــلت زلمهن
بنات ولاگـــــــن النار من طاحن خيمهن
اليركض بنكساره يعطــش اهواي كل خطوه العبرها
اشلون الركضت وعطشــانه للماي والنار ابظــــهرها
زينب صعدت التله وگـــــــضا الحيل
شافو من بعــــــــــــيد امحدب الليل
اصعب مـــــــــوقف ايمر اعله آنسان
اخت واتشوف اخـوها اتگلّبه الخيل
يخيل اتعدن حسين مات وماله حيِله
ساون صدره والگاع حوافرهن ثگـيله
وين الگــــاله عباس يفزعله ويشــيله
ياممشه الهزيله بيـــــــــــوم الوداع عبرت عالكفلهه
زينب من تميل اتطـــــــيح واتگوم واتــوادع اهلهه
هايحسين مدري اشـــلون ارثيك
ادري اوداع اخيتك حـيل ياذيك
زينب رايحه وكافلـــــهه عالگاع
ياعباس بيك اتگــــــــوم مابيك
وداعـــــاً يهلي للشام والكـوفه البعيده
قرر حــــادي الضعون وصار الراي بيده
خرايب باچــــر افياي وزينبكم وحيـده
زينب ياوطــــــــــن عباس وحسين متغربه الحبيبه
ماسامع وطــــــــــن يدخل دواوين والــوادم غريبه
حلم يندهـ حلم مــــــن جابو النوگ
اول باب مــــــــــن علويه مسحوگ
زينب بالمــــــدينه استهظمت حيل
من فرو ضعـــــــــــنهه داير السوگ
هظيمه اتراقب النـــــاس يمته ايمر خدرها
هظيمه انشافت ام عون مچتوفه ابكبـرها
هظيمه الناگه بالســـــوگ والحــادي يجرها
خادم القصيده
شاكر الصيمري
تحزم الها وضغبرت والطف رعيع
وضاگت الوسعه وطلع خلفت مظر
عركة مامش بيها حايوز ودخيل
وماكو بيها ادخيل ربي منالقدر
جانت الدنيه ضهر بس العجيب
ابنص ضهرهم طالع اعليهم گمر
حولت كل الزلم تحويله
صاحو العباس كلنه ادخيله
يخو زينب .. يدخيله
شد على امطهم لكدها ولينه غار
عيت وصارت ترابه وما نشوف
ضلمه صارت والضلام علينه حال
امبينه من ابعيد بس رايه وچفوف
شگ وجه حته الهوه ابريشاته ذيج
الخوف وازانه وبعد مابينه خوف
الخوف وي عباسهم وازانه
دمها صارت للركب ويانه
يخو زينب .. يدخيله
ندخل اعليمن بعد مابينه روح
نركض امنين النه حيل ونمشي بيه
من نريد انخوف الجندي شنگول
روح گله الكافل شويه ويجيه
صارت امرادم شجاع ويالشجاع
اليركض ايكض راس اخو بثنين اديه
ابو فاضل بلحرب والينه
نشر المن ياهو الـ يلفينه
يخو زينب .. يدخيله
قرر الكافل على الجيش انتقام
ونزل عزائيلهم بجناحه
تنسمع دگات گلبه الجندي خوف
من رغم جيش الكفر وصياحه
اليشرد ايلوحه اليضل مطگوگ سيف
اجانه يشرد لو يضل ايلوحه
حيره وي عباس شگضيّها
ياغشيم بعركته باديها
يخو زينب .. يدخيله
صارت امشارد جحاجيح الجنود
والله يدري الجان خايف حاله
اليمه يوصل ما يضل مدري شيصير
مدري ابن حيدر علي اشسواله
عود موش اباله والوادم تموت
الله يعلم باليدور اباله
من گضت كل الزلم بلحومه
ابو فاضل أرّخوها اعلومه
يخو زينب .. يدخيله
عـــلي مــيران
من عرش الجلاله.. آية حسن
نازل وبكماله.. لشرف حضن
والهيبة وصاله.. روحي تحن
هذا الحسن
....................
أجمل خبر سمعته
امضويه السمه بضحكته
بمهده وردت نضرته.. الي ضوه الدرب
هسه برد لهيبي
وبخدمته نصيبي
صار الحسن حبيبي.. هوى ونبض گلب
بوجوده وايامي
كلهن فرح بسمه وأمل
من نوره الرباني
حته الگمر شافه وخجل
متحير باوصافه
نجم السمه يمه نزل
كل طير بسمانه.. بسمه يرد
يتعنه المكانه.. وعاف الورد
حس يمه بامانه.. الوجهه يصد
هذا الحسن
........................
من العرش هديه
بي فرحت الزجيه
طشوله واهليه.. اجه وبده الكرم
يم المهد دِلاله
ويعزب الاجاله
ينطي كبل سؤاله.. ابن اطهر رحم
من اول ايامه
يكرم صدك وبلايه من
جرب مره وشوفه
لامايسد بابه الحسن
من تدخل ديوانه
داخل تحس جنة عدن
من شعري ازيدك..ايبرد المهج
تطلب منه اريدك .. وبلا حرج
ينطي الحاجه بيدك.. باب الفرج
هذا الحسن
.......................
هذا الفرح عباده
الگلب المحب سعاده
مبروكه هل ولاده .. نزل شبل علي
حبي اله وهيامي
عاشك انه وغرامي
بس للحسن إمامي.. يضل علّي ولي
سبحان الله الخالق
يم وجنته يحله السهر
كلمن شاف عيونه
يهمس همس بين البشر
شبر رحمه من الله
وجهه البهي أيسر النضر
يادنيه اشهدي.. هذا الحسن
صار الليله عندي.. أجمل وطن
حرز اسمه اعله زندي.. من الزمن
هذا الحسن
.........................
حيدر علي ولينه
روحه شكثر حنينه
باسه بوسط جبينه.. فرح اجه الحسن
بي يشبك اعله صدره
اول ولد ينضره
ايشمه ويناغي مره.. هلا بضوه الزمن
فرحان بميلاده
ويمه حضر طه النبي
يهنونه بذريته
كل هاشمي وكل طالبي
وجبريل اتعناهم
مهد الحسن كل مطلبي
خادم واعله بابه.. راح انتضر
شميت بثيابه.. أجمل عطر
اتنطر شبابه.. وبي افتخر
هذا الحسن
محمد هادي العقابي
ابوذيات
وحــگ الصــاح أخيّـه ـ من هُوَى الجود
هـوى رمضــان أشـمّـه ـ من هَوَى الجود
إذا يســــألك ســــائل ـ من هُــوَ الجود ؟
گلّه الحسن يعني إبن الزچيه ..
رفَــع دين الله صُلْـحَه ـ من هُوَى الدّين
الهــوى الهَبّ إبطلعـته ـ من هَوَى الدّين
إذا جاهــــل يســـألك ـ من هُــوَ الدّين
گلّه الدّين ابو محــمد وأبيّه ..
واذا عالنـــور تســــأل ـ مَـنْ هُـوَ النّور
الحســن شــالاه بيــده ـ من هوى النّور
فضــل عالنــــور سـوّه ـ منهــا و النّور
إليومك للحسن ياخـذ تحيّه ..
إعله الأحسن ليش تسأل ـ ياهو الأحَسَن
گـول الـ علـى الــوادم ـ ياهو له إحسان
سـؤالك ســهل تِعـــرِف ـ ياهُو الإحسان
الإحسان إرتبط ببن الزچيه. ..
وأخيراً هـاك نســـمه ـ من هوى الطيْب
وراح انطيـك وصفــه ـ منهــا و اطــيْب
وختــامــاً راح أگلّــك ـ مَــنْ هُوَ الطيْب
تره نفسه الحسن قابل قضيه ؟!
مهدي التقي
علي علي علي حيدره
༺༺༻༻༺༺༻༻
علي فوك اشماتصور. علي عشك المايدور
وي درب الله حرام
علي قرءان الله كله...علي قدس علي جله
علي ابدا ماينام
علي هوه الحاجه موسى ..علي من الرب دروسه
علي الكل ايمام أمام
علي بيده البرد والحر... علي الحق اوموش منكر
علي الدنيه والسلام
هو علي ليس مثله أحد
هو علي سر اسرار الصمد
༺༺༻༻༺༺༻༻
علي ابسيفه وعلي ابكيفه... وعلي ياخذ بيده حيفه
وعلي كلش حچيه حار
علي ابچفه البحر والبحر... علي الأول علي الاكبر
علي فوگ الخلق صار
علي عبدالله الصالح...علي ابحچيه هواي مالح
علي عينه اذب شرار
علي احساب الخلق بيده... علي ويله المايريده
من الله سواله قرار
هو علي قاتل الجبابره
هو علي دنية واخره
༺༺༻༻༺༺༻༻
علي ايد الله وسطرته...علي يكتل من خزرته
علي كلش زلمه حيد
بسمه لوصاحو الحيدر...يرجف الشيطان الأكبر
هوه الملين الحديد
علي الكل مضلوم ناصر...علي الماولاه كافر
هو حبل الله المديد
علي اليحب الله كلش...علي البلمحراب يرعش
لا يقاس بلعبيد
هو علي لايقاس بلبشر
وربنا في تجلى وضهر
༺༺༻༻༺༺༻༻
علي العابدعلي الزاهد... علي ماجابه الموارد
هو سيد المتقين
علي مادور زعامه.. علي المشبع اليتامه
وغياث المستكين
علي فوق الخلق كله...علي ع العالي تعله
دون رب العالمين
علي الاول علي الاعضم .. ليث هيجاء مخضرم
وشموخ العارفين...
هو علي ليث هيجاء ولي
هو علي باقيآ للأزلي
༺༺༻༻༺༺༻༻
علي هنياله اليحبه. على درب الصمد دربه
على نور المضلمات
على ماواحد شبيهه.. علي بس هوه وليهه
قاصم اضهور الطغاة
علي سيف الله الضارب ...على منه الموت هارب
هوه حل المعضلات
هوه في التوراة ايليا وفي الانجيل بريا
اسد في الضاريات
هو ه علي سيدنا للأولين
هوه علي عند رب الارضين
༺༺༻༻༺༺༻༻
الميرزا حسام الناشي
( أليوم المعلوم )
استشهاد أمير المؤمنين (ع)
أيتام .. بابك واگفه ايتامـك
أيتام .. تتنطر تصح هامـــك
أيتام .. گوم وعدله هندامك
وذا سـألوك كلهم أمري مـحتوم
أذا علفرگه سهله ألذكره الهدوم
وأبشركم علي ما مـــــــات لا لا
حيدر راح يدفن حــــيدرا اليوم
أبن ملجم مستعجل عــــــــليه
ولا يرحم أيتامي خــــــــــطيه
يوادمنهه المغرب ساعته حان
گرب يومي وحسه بهالـــمسيه
**
ياناس .. هاذ اليوم معلـــــــوم
ياناس .. ضربة بسيف مسموم
ياناس .. وثالث يوم ماگـــــوم
صعب لفراك والحب ما أفـــسره
الى روحي أسير هناک زهـــــــره
و المشتاك يفهم شنهو لـــــوداع
جمره بنص دليلك چنها عَــــــبْرهَ
سعر تسعر والمقسوم اخـــذته
شفت كلشي والماشفته شفته
بلموادع هسه احنه صـــــفينه
ذبل گلبي مات وما دفـــــــنته
**
متعوب .. حيدر حيل مـــــتعوب
متعوب .. وسط الهامه مصيوب
متعوب .. کـلي بيش مـــــطلوب
كضه عمري ونين ونــــوح وألام
يندهوني يحيدر سولف شــضام
اكللهم رغم ما عايش بـــــــــخير
ورغم چنت بصلاتي هواي قوام
انا العايش بالدنيه الـــچبيره
لچن روحي مخنوگه وأسيره
أموت بسيف متقرر مــــماتي
وحسن انته چتالي نــــضيره
**
الوداع .. هاي اليله قــــــد آن
الوداع .. فجريــــه وي الآذان
الوداع .. يكطع خيط الحنان
هايهيه بعد قد حان الــــــــــفراک
حسن يحسين زينب الكم اشتاک
ايا عباس انده صوت ســـــــلمان
أبن ملجم هيج تجازي أربــــــاک
ليش بسيف مسموم أطبرتني
على اولادي وأتامي بعدتــني
وصبر ياهام ايامي گــــصيره
انه مُودع علفركه أجبرتـــــني
خادم أمير المؤمنين ،،
زين العابدين الحلفي
طلعت رايه من الخيمات
وفارس محلاها اعلومه
لاشايل سيف ولا درعه
ورايح يگضيها الحومه
كلها اتباوع من طبلهم
نار اتفور امن ارسومه
دون احچايه
ومنو صاحت الناس
وخطب انه عباس
طب عالجيش وماضل واحد
يعرف يا صوب الكافل
مرة امن الگاع ايظل يطلع
مرة امن الغيمه ونازل
نص ماتو لمن شافته
ونص واگف لاچن مايل
خله العسكر
اليشم نفسه مخنوگ
وحدر جدمه مطبوگ
سبحان اليطلع من حيدر
شيگدروله امن ايحارب
ياهو اليگدر ينضر عينه
لو يلمح شعرة شارب
شيخلص الجيش امن امتونه
عباس وداخل غاظب
وين المشرد
عذاب ونزلهم
منو اليشفعلهم
مستبشر وجه العباس
وهمه الهوسه بوسطتهم
كلما يحچي اتطيح الوادم
فن امسوي بموتتهم
كضهم بيده وهوه ابكيفه
ضل ايطشر طينتهم
چف الكافل
فلا خلت اسباع
فقط هوه بالگاع
غيره وطول وهيبه وكلهن
حطهن الله بعباسه
وفارس محد واصل جوده
ومحد عابر نوماسه
والاجمل من الگلناهن
بس حيدر تارس راسه
من يشهدله
علي ولي الله
تضل تركع اعداه
سجاد الدراجي
..
اهم شي راضي عني
يمولاي وتحبني
شسوي بدنيتي هاي
اذا مارضي عني
اني لو ماعينك اعليه اضيع
مولاي خل عينك عليه بدونه اني اتيه
انته لوعفتي اني اتيه باطريق
خلني بيدك اني يمك ماضع
وريدك ماتردني احبك انته تدري
رضاتك بس تهمني اهم شي راضي عني
خادم حسبني يمولاي يمك اني من لخدم
وليعوفك هايمولاي يكضي ايامه ندم
كلبي نار شب اذا انته عفتني شلون النار لبالخيم
ماتعوفني اني اريدك عليك شال لعلم
اريدك توفقني بخدمتك اكضي عمري
بطلبتي ماتردني اهم شي راضي عني
مقصر اني وياك ومنك اني اريد اعتذر
ماعيش بدونك اني شلي بله بهل عمر
تقبل بعذري اريدك عليك ستر ام الخدر
ودري مولاي ماتردني وعفوك اني انتضر
اعرفك ماتردني وتقبل انته عذري
بنيتي انته تدري اهم شي راضي عني
اني من انخك دوم ماتردني بكل لطلب
اني من عده وعرفتك انته سيد بالكرم
انته اهواي كريم وماترد وحد نخاك
اني كل غايه اطمحله اني ادور بس رضاك
تحقق دوم طلبتي مقصر وتعذرني
ودوم انته ماتردني اهم شي راضي عني
- حسين الحسيني
"
اول عشگ بي افرح شما أنذل
و الحب مراتب حُبك انته الأول
يا أول و أوسط و اخير انته حسين
لتهدهة أيدي بداعت الصعدت تل
ربيني بمجلسك .. و خليني أتحسسك
و بچيني لمحبسك .. و لطاري الجرح
و دليني دمعتي .. و كبرها حسرتي
و غربني بغربتي .. يل شالك رمح
بچيني
بدمع من گلبي
والك بس تعبي .. يمتعوب
دليني
لـبشر ما عافك
بگلب بي شافك .. يبو گلوب
خليني
اعيش الحاله
لتضيع اعياله .. بلغروب
================
دليني دربي شما اضيع ويلـناس
و خليني اعيشك بلدموع و بحساس
أسمي أنه خادم مو مقامي بتكوين
و انته تخدمك فاطـمه أم العباس
يلدمعك ما نشف .. و بضعنك شنهتف
يسروهن علـنجف .. و للكوفه اليسر
و بعينك شاهدت .. مر ضعنك من طحت
بحسراتك يل متت .. و بگلبك جمر
ليسبوهن
و ضهرهن مايل
يريدن كافل .. للمتون
مشوهن
بدروب الهيمه
ولا فيّ خيمه .. علضعون
خلوهن
بشموس الباري
و دمعهن جاري .. من العيون
===================
حبك جرح طول العمر يا مولاي
ريت احبــــك ســيدي گــــد الماي
الما مره من عنده روة لسانك ليش
هواي انته مايك سيدي و انته هواي
يا ضامي بنينوى .. احرمني من الهوى
لو گلبي أرتوى .. و ما رادك عشگ
شما اعوفك سيدي .. خلجرحي يبتدي
و بدربك اهتدي .. و شب بيه الحرگ
ما اعوفك
و حگ اعيونك
اضيع بدونك .. يـمولاي
بجفوفك
أريد أتلمني
و تطلع مني .. حچي الماي
لـضيوفك
عبد خليني
يضي أسنيني .. يرجواي
=================
مجنون الك عابس صبح من الحب
ماخذني بالي ويلگشر و انته الُب
جونك عرفته أسود لئن گلبي أسود
گلبه نهر للخيمه أجه وراد يطب
تمنالك كربله .. ما بيهة أي بله
ذب گلبه بلفه .. گلبه الچن گمر
خليني نفسه ألك .. من أذكر طف هلك
موتني أتوسلك .. جونك ذب نحر
لعيونك
تنوح اعيوني
و أدك أمتوني .. يلـحسين
لمتونك
ليمرهن حافر
اعيشن حاير .. بلسنين
لضعونك
لبقت محتاره
الگلب وج ناره .. و تهل عين
==================
خليني ماي لشفتك يا عطشان
لو أبقه ألك انه نذر بس ضمئان
يلي بقيت لخاطري تلث تيام
علـغبره وحدك سيدي و هم عريان
علـغبره يا ترف .. و اليمك مو عرف
و أرسومك تختلف .. من حر الشمس
و عيونك علـخيم .. صوبهن چم سهم
يلـحيلك أنهدم .. مو حيلك أمس
احلامك
ترد الخيمه
و ترد ليتيمه .. للخيام
أيتامك
غريبه بدونك
تريد عيونك .. الأيتام
بأيامك
تصير أحلامك
الخيم جدامك .. ألاحلام
***
علي حسين الخفاجي
لمولاي الحسين صلوات الله عليه
الشيخ الهاشــــــمي وادخيله من غار
وانطه الخيمه ظهره وللـــــــــزلم دار
طب ولا شجاع ابـــــــــوجه الحسين
ياهيبة علي ونضــــــــــــــــــراته فقار
ابو الاكبر لوه اعــنانه وجيش ابكبره ساواه
وگف والوگــفه كتاله سياده وكلـــهه جواه
عدل مايعرف الميـله يسبــحان الي سواه
ادخيل اعيونه وجفه ايلوحن مثل السيف
طب يــــــــوم القيامه وزعزع الخيل
وخله الجــــيش تايه صبحه من ليل
جر سيفه وبرز والنــــــــــاتج الموت
حيالله ابو الاكـــــــــبر فوگ الكحيل
كشفهم وانفـــتح دربه يشاره وتغلب الصوت
يحـــوم و وكر اعليهم اجتهم ســكرة الموت
نفس ماخله بالحــومه هوى مايقــبل ايفوت
حسين وطب للعسكر ياهو ايكض حسين
فن المعركه اتريـــــــــــــــدلهه فنان
طبوها المعاره اثنـــــــــــــين خوان
عباس الزلم ربطـــــــــــــها عالخيل
وحسين الشوارب بيـــــــــده تنهان
مثل عباس يتــــــــكرر ابد ماتنـــــــــوجد هاي
ولا ابو الاكبر ايشـــبهه بشــــــــر عارك بلا ماي
يشيخ امشيخ امن الله واخوك امن الله سگاي
الماي اليومك هذا ايســـولف بالعباس
عالي ومن يــــــــــگوم اتدنگ اركاب
بـــــــــــس خلفة علي بالعركه تنهاب
ميدان اليطبله حســــــــــين يگضيه
هذا ابن الخزرها وطــــــــــيح الباب
علي ابكل عركه يلگــونه عجيب ويطلع امنين
لگــو شخصيته والشمره ورثهن كلهن حسـين
مراجل كل علي ابچـــفه يسوي الواحد اثنين
اركاب الخيل اتدنك من تسمع بحسين
كل هاشــــــــم شجاعه وتزرع الخوف
ماتعله اعله حـــــــدهم حفنة اسيوف
حسين الوحــــــــده وركضهم اركاض
واگباله اليغمض حـــــــــــيدر ايشوف
بعدهم ظنهم ابخـــيبر امس هذا الحلم چـــان
عليهم طـــــول الساعه عذاب ابكــــــربله حان
زلم من يعـــــبر اعليهه تقشعر يمـــــه الابدان
الگـــــاع ابيوم العاشر تفـــــــتر بالفرسان
خادم القصيده
شاكر الصيمري
..
جوهرة صبر الأزل ولكل نبي زينب فخر
درة حياة كل الخلق ومكلفه بچف الگمر
زينب بنية علي شخلف علي غير الدرر
اعظم مره والصابره
من جزعت الافلاك
عالتل رقت وحي البخت
هي الكليمة هناك
خط جدم زينب صراط المستقيم
من الخيم للتل مواقيت اليهيم
حسين رب جروحها وهي الكليم
هاي زينب لا عجب يااهل الرقيم
السلامُ على الحوراء زينب
✿✿✿✿
مخدرة من السما ظِل العرش صار الخيم
زينب وحتى الهوا الها وگف وگفة خدم
ماغير الدر السبي لكن فضح رخص الفحم
بنت الأسد لبوة شدد
ومن الشكل تنهاب
بنت العرب للشيمة رب
والباقي كلها اعراب
فاطمية واسم ابوها الطالبي
اجنبية مايسويها السبي
الماعرفها هو الانعد اجنبي
الناس ولد الناس زينب بنت نبي
السلامُ على الحوراء زينب
✿✿✿✿
سيدة سادة اخت خير الزلم ياسائلي
متبرگعة في الگمر متحجبه حسين الولي
گالوا عليها مره بس بالاصل هيبة علي
انهضمت نعم بس الاهم
صارت لخوها فياي
ام الخدر سر مستتر
بين العطش والماي
هنا تبين زينب بيا منزلة
عگب اهلها هي شالت كربلا
نعم ركضت ردات تطهر الفلا
لان راح تبات بيها العايله
السلامُ على الحوراء زينب
✿✿✿✿
اعتلت فوگ الهزل وعلى السفح تعلى القمم
من مشت بين الغرب وي النسا خيمة بخيم
تابع لجدم الظعن للشام اجه وياها العلم
بيرغ گمر طب وانتصر
وخورسله چم السان
صح انسبت بس ثبتت
رايتها بالديوان
تنثلم ماتنهدم طبع الجبال
صح لفت ديوان وبچفها الحبال
لكن اول ماحچت زال السؤال
الرجال اليمها صاروا مو رجال
- احمد اللامي
قصائد شور,قصائد شور حماسي,قصائد شور جديد,قصائد شور مكتوبه,قصائد شور حماسيه,قصائد شور مسلم الوائلي,قصائد شور سيد فاقد,قصائد شور ياعلي,لطميات شور ايراني,لطميات شور يا رايه ليش لوحدج,لطميات شور ياحسين,لطميات شور يا ابا عبدالله,لطميات شور يبن امي,لطميات شور احتارت النسوان,لطميات شور ونين,لطميات شور وفاة الرسول,لطميات شور وفاه السيده زينب,لطميات شور وفاه الامام الكاظم,لطميات شور ولاده الامام علي,قصائد شور حالات واتس اب,قصائد مسلم الوائلي وعلي الوائلي شور,قصائد شور هوسات,لطميات شور هدوء,لطميات شور نغمه رنين,قصائد شور مجتبى الكعبي,قصائد مرتضى حرب شور,قصائد حسينيه مكتوبه مع اللحن شور,قصائد حسينيه مكتوبه شور,قصائد شور للزهراء,قصائد شور للمشايه
