كلمات قصيدة وطن حبك محمد باقر الخاقاني مكتوبة كاملة
📜القصيدة : وطن حُبك
🎤أداء : محمدباقر الخاقاني
🖋كلمات : أحمد اللهباوي
___
احب گلبك و اموت بلا حنانه
و على دربك لگيت الحب ديانة
بوطن حبك البچه يلگى مكانه
أناجيك بنفس مهموم عليكم و اشكرك مولاي
الي بيت بوطن حبك نعمة و من سجيتك هاي
مصابك لبساني اسود بچاني لخدر والماي
يعين الله الي شافتك و انت بلا خدر و فياي
عزاءك يظل الوطن لجروحي
مصابك يودي و يجيب بروحي
و ميت و المخليني عايش نوحي
حُســــــين
عاشورك الحلي و رحيلي وطن
هاي السنة لاجل الليالي هذن
يل رحمتك هلت علينا ضعن
غريبة دنيتي بلياك
مفتاح الوطن عندك
عبدك يا غني بحماك
لا تستغني عن عبدك
لا ينقضي الحُزن و لا تهونُ مُصيبتي
الحمدُلله على عظيمِ رزيتي
___
احب اسمك و اذوب بشاعريته
شفت رسمه بخيالي و ما نسيته
و اليخدمك گمر يكفلها نيته
انا الما يدري وين يروح انتشلني ضعنك من البير
و استعبدني ضي وجهك بين الجبر و التخيير
اموت و تاكل بروحي بابن الزهره هيچ يصير
الهضيمة الخيل لو غارت ما تعرف چبير صغير
جمالك بنص الگلب طف ثاني
مصابك الواحد وسط وجداني
يالنايم بحر الرمل شمتاني
حُســــــين
بالحومة ماكو فياي و لا اكو دفن
لا ظل اخو اليسگيك و لا اكو ابن
بس اختك عالتل گلبها يون
مشكور على معروفك
الما غيرك ابد ينطي
و الخير العلى چفوفك
انا و امثالي عايش بي
و القلبُ ميالٌ الى مأتمِ سادتي
الحمدُلله على عظيمِ رزيتي
_____
احب ملحك يغرز بالبچي هواي
عشگ جرحك خيال و يمشي وياي
على رمحك اظل انحب يمولاي
فعل ما عندي يستوجب رضاك و كل فعل قاصر
بقت بس رحمتك مولاي ودمعتي لغربة العاشر
بچيتك عندك العباس بچيتك ما الك ناصر
بچيتك تروي خصمك ماي و خصمك داسك بحافر
بچيتك دير النظر لخيامك
صاير سلبهن و الحرگ جدامك
و تنظر سنابك خيل تدوس ايتامك
حُســــــين
تعطش و التنادي كلامه جرح
وتحن عليه و تلگاه جوابه ذبح
و يعوفك گبال العقيلة رمح
حضن الزهره الك مولاي
وسفه على التراب تنام
واختك ما تريد الماي
رادت بس ستر وخيام
نادت الى الله اخي أبثُ ظليمتي
الحمدُلله على عظيمِ رزيتي
_____
احب ضعنك و احب غيرة كفيله
و يظل حزنك الغاية و الوسيلة
اسير ابنك و عمته على الهزيلة
الدنيا بكربله درات على اهل الغيرة والمعروف
و شچم بت نبي طلعت والهيمة على مدّ الشوف
گلوب انكسرت على الماي شيجبرهن بدون چفوف
صفن لا خيمة لا صيوان يركضن و السما دگ خوف
انت الغريب الطاح و لاحد شاله
غطى رماد خيام وجوه اطفاله
و صار الدرب بالحومة للخياله
حُســــــين
دروب الغرام هواي دربها وعر
حب الخرابة يريد بواچي عمر
علمني ما اخلي اليّ عذر
بالطف حجة ما خليت
و عذر محد بعد يطلب
عندك اهل عندك بيت
عفتهن في سبيل الحب
لا ينتهي الدمعُ و لا أبيعُ مُروءتي
الحمدُلله على عظيمِ رزيتي
