كلمات قصيدة عالهادي شايل چم جرح مسلم الوائلي مكتوبه كامله
قصيدة | عالهاي شايل چم جرح
أداء | مسلم الوائلي
كلمات | علي الأكبر الغرابي
***
حيل استحي من عيونك
لو ردت اكول شلونك
يا ليل ما جاسك صبح
عالهادي شايل جم جرح
يابو صالح يابو صالح
_
ابكل محطه من الليالي
صبرك ايودعله غالي
وسيفك يبات اعله ثاره
اجروحي من كد ما تحبك
سالفتهه شوكت كلبك
يستراح وتطفه ناره
سولفلي الجرح مرات
يرتاح اعله سالفته
مايفهم حجي الدخان
بس الناره حاركته
تجوه ليش ابنارك
يالدمعتك خطارك
جا يمته كلبك ينشرح
عالهادي شايل جم جرح
يابو صالح يابو صالح
_
يا بعد طولي شعلآمك
محني كالو ظهر امامك
على الهادي وبان كسره
وفشله اسولفلك عليهن
يبو صالح وادري بيهن
ادموعي موش ادموع حمره
دليني اعله جرحك وين
ذاك الما وكف نزفه
خايف لآ يجيسك غيظ
وانت روحيتك ترفه
ياترف بس اجروحك
كلش عزيزه ابروحك
ويوميه بيهن تنذبح
عالهادي شايل جم جرح
يابو صالح يابو صالح
_
بيا فلّه ويا صحره غايب
ويا مصيبه من المصايب
خذت منك ليل عمرك
السالفه ومابيهه خايف
تعثر ابروحي السوالف
لو ردت عالهادي اصبرك
سامحني اليحب مرخوص
من يحجيهه عالفطره
ليش الدنيه مُره وياك
وانت ملوحت الزهره
المثلك بهاي الحاله
سهم الهجر جتاله
والفركه بجروحك ملح
عالهادي شايل جم جرح
يابو صالح يابو صالح
_
ونت الفاكد ثكيله
من تبوك الغربه حيله
وتاكل ابروحه المشاعر
والله حك لو مال طولك
كلهم اعزاز المشولك
وانت ديره اجروح صاير
وبيك من التعب مولاي
ليل ودمعه وحجايه
خايف لآ عتابي يطول
وانت اجروحك ولآيه
وكلما تودع غالي
ترجع وجفك خالي
ولآ طارش المنهم يصح
عالهادي شايل جم جرح
يابو صالح يابو صالح
_
الشيب ماخذ لونه منك
من كثر ما يوجعنك
يابو صالح ذكرياتك
وترسم بكل خطوه دمعه
والعتب مسموح اسمعه
بينك وبين امنياتك
من يا سالفه ابدي وياك
يا غالي واعز غالي
بيه اليوجعنك كون
وانت من الوجع خالي
عيشني مره احساسك
من دمعتك لأنفاسك
وارزقني يالكلبك سمح
عالهادي شايل جم جرح
يابو صالح يابو صالح
