قصيدة وللكاظم جينه مسلم الوائلي مكتوبه كامله
القصيدة | وللكاظم جينه
أداء | مسلم الوائلي
كلمات | محمود الموسوي
_____
شوگ ومشايه .. شلناها الرايه
احنه الوفايه .. وللكاظم جينه
_____
انته اصل الكرم مولاي يالكلك اعزوبيه
يم شباجك الحاجات هاي الليله مگضيه
علمت السجن مولاي معنه الگيد حريه
بابك يشبه باب حسين
يم الحضره ومشتاگين .. زواره
جفك مالح گبل الزاد
ما رد زاير ينطي امراد .. خطاره
دربك واسراره .. اليخدم زواره
وكل عاشگ ناره .. وللكاظم جينه
_____
انته اول اسم ينشاف بالظلمه وطلع صيته
راهب انته كل سجان حاير بيك خليته
سجن السندي يا مولاي مجلس غاد سويته
من سجنك علمت الناس
حب حسين وحب عباس .. مولانه
يالخليت الاعمه يشوف
نوصل يم گبرك ونطوف .. تلگانه
علمت الخادم .. كون يظل هايم
ما همنه اللايم .. وللكاظم جينه
_____
صوتك بي رسالة ماي كل عطشان يفتهمه
وما يفهم حجي الدخان بس المحترگ دمه
واليخدم لبو السجاد هذا الينحسب زلمه
علمت الخادم مولاي
مو كل العطش للماي .. تفسيره
خل نفهمهم جرحه امنين
بس اليحترگ لحسين .. بي غيره
الخدمه شمحلاها .. بدربك شفناها
رايه وشلناها .. وللكاظم جينه
_____
يا محله العشگ بالروح هاي الخدمه محلاها
زاير زاير اعله الباب بيده الحاجه يلگاها
خدام ونظل للموت بسم حسين نتباها
ضگنه الحب والخدمه وياك
شگد عادونه وما عفناك .. ظلينه
خيرك يمطر عالزوار
فوگ الرايه شگد اسرار .. شدينه
يم راعي الغيره .. مگضيه الحيره
من ديره الديره .. وللكاظم جينه
_____
گلبي معلگه عالشباج من سنين خليته
حته الطير اجاك يزور وانته بگبه لاگيته
ما رديت واحد يوم حته الزار من بيته
اسمك يرهب بيك اطباع
يمك تگضي الحاجه ابساع .. وصحنالك
بهذا الحب هواي اسباب
محد ظل واگف عالباب .. جينالك
الله يشهد يالكاظم كون بوكتك طلعناك
