كلمات قصيدة يبويه محمد الجنامي مكتوبه كاملة
قصيدة : يبويه
✒️الشاعر : السيد سعيد الصافي الرميثي
🏷️ ذكرى : ليالي استشهاد أمير المؤمنين عليه السلام رمضان المبارك 1442هـ
🕌 حسينية : عزاء هيئة الزهراء للعزاء المركزي -النجف-
ليــلة وداعــك يـاعــلي ليـلة عـذابي ونــوحي
يالجرحك ابنصّ الگلب من عنده كل جروحي
مكسورة الخاطر حزينة جيتك
ونّــي يحــل لمّن تحـل منيـتك
يبــــويه ... يبــــويه
🔹️🔶️🔹️
بويه هاي اللـيلة اصعب واشد ليله بدنيتي
من دمه جرحك ودمعي عنها اكتب قصّتي
ليله مرســـوم ابسماها ظعن سبي وغربتي
ولمّن يبــيّن صبــحها تبــدي رحلة محنتي
اگضيـها حسرات ودمع بينك يبويه وبيني
ويّاك اساهر للصبح ما ارضه تغمض عيني
يا والدي وارد استمع وصيتك
ونّي يحـل لمّــن تحـل منيتك
🔹️🔶️🔹️
ياعلي وانته على حالي مــن الطــفولة مطّلع
عمري خمس سنين وامّي صوّبوا منها الضلع
ياعــلي ومــاهي جديــده عشرتي ويّه الدمع
ماخطر يــوم اعلى بالي بجـرح راسك انفجع
يا من ترد مـن كل حرب ابيض وجه فقارك
حامي الدخيــل وشيمتك يمّك يأمّن جارك
وعون الفقير اللايذ بحميتك
ونّي يــحل لمّن تحل منيتك
🔹️🔶️🔹️
والــدي يامــن ابجــالَك عايــشه ابعــزّة نفــس
وساعة يابويه ابوجودك باليتم ما چنت احس
ظنّــي مــن عنــدك گطعته بويه من ليلة أمس
اعتابي وجّهته لزماني فرصة من عنده التمس
ناديت صبرك يا قدر الَتَمسك ارحم حالي
انا العــزيزة وانهضم لــمّن يـــروح الغالي
نخوة المجروحة گلب نخيتك
ونّــي يحـل لمّـن تحل منيتك
🔹️🔶️🔹️
ويّ زماني الما رحمني اعتابي ما يخلص طويل
شنهو ذنبي من الطفولة ما نشف دمعي اليسيل
طلب عندي وارد انشـدك بويه يا حامي الدخيل
عگب عيــنك من اخـوتي بيّـه من يصـبح كفيل
جاوبها عبّاس الگمر من سمع هذا المطلب
آنه برگبــتي اتكفّــلچ يــمّ الخـدر يا زينب
گالتله عبّاس الوفه سجيتك
ونّي يحـل لمّن تحل منيتك
🔹️🔶️🔹️
من بعـد هاللــيلة زينب يا زمنها اشتنـتظر
لوعـه وآهـات ومناحه ولاطلع ريته الفجر
خايفه وي نعش ابوها زينب اتشيّع الصبر
وبالعذاب اخلافه تگــضي باقي ايّام العمر
ساعة بألم يمّ الحسن وحسين تگصد ساعه
يصعب تگـلهم يخــوتي والدي اعليّه وداعه
گتله بدمع من الدمه بچيتك
ونّي يــحل لمّن تحل منيتك
🔹️🔶️🔹️
يا صبر گلب العقيلة ويا گلب مثلها ابتله
مـن بعد ما راحت امها ودّعت عقد الوله
شـلون بيها لو ضعنها يوصل لطف كربله
تحرس الاطــفال زيـنب لو تباري العايله
لمّن تشوف اعله الرمح مرفوع راس ابن امها
والخــيل تهــجم والــزلم تحــرگ بنار اخيمها
وتصيح تحضر ياعلي تنيتك
ونّي يحــل لمّن تحل منيتك
محمد الجنامي جديد,محمد الجنامي شفتك انيق بطيحتك,محمد الجنامي عافوني وراحو,محمد الجنامي حالات واتساب,محمد الجنامي استشهاد الزهراء,محمد الجنامي سولفتك,محمد الجنامي عالم اخر,محمد الجنامي ام البنين,محمد الجنامي يوادي النجف,محمد الجنامي يا طير,محمد الجنامي ياحسين,محمد الجنامي وفاة السيده زينب,محمد الجنامي وعمار الكناني,نغمة رنين حسينية محمد الجنامي,ندمان محمد الجنامي,نعي محمد الجنامي جديد,نواعي محمد الجنامي
