كلمات قصيدة سفره الى الله حيدر البياتي مكتوبة كاملة
تحميل قصيدة سفره الى الله, قصيدة سفره الى الله مكتوبه, كلمات قصيدة سفره الى الله
قصيدة ' سفرة الى الله '
الرادود : حيدر البياتي
الشاعر : مصطفى العيساوي
***
الى الله سـفره الى الله
حسيناه بدمنه حسيناه
مشيناه دربك مشيناه .. الى الله
القــارات السبعه ضجت
والكربلاء حسين حجت .. الى الله
🎶〰〰〰〰〰〰🎵
شـراع السفينه يمـشي بينــه الكربله راح
اعله باب المدينه سر لگينه ملتقى ارواح
سألنه الكرة الارضيه
منــو أهــل العزوبيه
الزيــاره الاربعــينيـه . تكول الشاهد
عراق حسين مـَد سفره
من الموصل الى البصره
لحد مـا توصل الحضره . عراقك واحد
الحسين جننه الحسين
عناوين حبنـه عنـاوين
مجـانين اعقل مجانين . بالحسين
نـار الكرم للضيف وجت
والكربلاء حسين حجت . الى الله
🎶〰〰〰〰〰〰🎵
علمنـه بدينــه ومــن بدينه نعــرف منين
يموسم عشكنه بي حصدنه خير الحسين
زرعنــه بكل شبر رايه
حصدنه أجيال مشايه
قـلــيله كلــمة هــوايه . قليله هوايه
الحسبنـه تتعب عيونه
مـطر مـو بشر شافونه
عجيب شلون حسبونه . مطر مشايه
شيحسبون خلهم يحسبون
يزيــدون ربعــك يزيــدون
يتـعبـــون والله يتـعبـــون . شيحسبون
ريح العشگ بالكون عجت
والكــربلاء حــسين حجت . الى الله
🎶〰〰〰〰〰〰🎵
نشوف المواكب عدها واجب تخدم الجاي
ويگلوله فدوه اهديلنه خطوه وانته مشاي
ابو الموكب دعه هوايه
يربي ارزقـني مشــايـه
يكُــض بالشــايل الرايه . ويبوسه بجدمه
العجائب سبعه ندريها
خدمتـك زادت اعليها
السبعـة اتعجبت بيهـا . عجيبه الخدمه
اليخدمون كشخه اليخدمون
ينـــادون حــيهــم ينــــادون
يســهرون لجلك يســهــرون . اليخدمون
هاي الخدم چم عين بجت
والكــربلاء حــسين حجت . الى الله
🎶〰〰〰〰〰〰🎵
اجــت كـــل هــويه صــابئيه والمسحيين
نشوف الطوائف بالمواقف تعشك حسين
تــره الازديه والسُنه
مشي لحـسين تتعنه
تشوف بكـربله الجنه . يسيد الجنه
يـالمــجنن بـني آدم
حُسين موحد العالم
يچف للذلـه ما سالم . الك نتعنه
ديـانات تزورك ديـانات
كرامات شافات كرامات
رسـالات بدمك رسالات . ديانات
چم طائفة بحبك احتجت
والكــربلاء حـسين حجت . الى الله
🎶〰〰〰〰〰〰🎵
وبيوم اربعينك جف يمينك ينطي للناس
البيرغ يعگـده العنده شــده عنده عباس
المريــض ابــابه يتعــافـه
والاعمى يشوف اذا شافه
گمـر حيــرنــه بـ أوصـافه . دخيل ابوفاضل
اليحلفه بعمـة الـساده
مبــاشر يــاخــذ مراده
تره بروحه الكرم عاده . ونعم يالكافل
اجينـاك نبچي اجيناك
نخيناك نخدم نخيناك
عرفنـاك خيمه عرفنـاك . واجيناك
السابع سمه صيحتنه رجت
والكــربلاء حــسين حجـت . الى الله
حيدر البياتي سفره الى الله,حيدر البياتي سالنه الكره. الارضيه,حيدر البياتي جمال,حيدر البياتي من هو العباس,حيدر البياتي حبيبي راح,حيدر البياتي مايحاجيها,حيدر البياتي اربع ايام,حيدر البياتي جديد,حيدر البياتي يابو فاضل,نغمه رنين حيدر البياتي سفره الى الله,نزله حيدر البياتي,حيدر البياتي مشي مشي,حيدر البياتي موشح,حيدر البياتي مع باسم الكربلائي
