كلمات قصيدة كلبي كبر مشاية موسى بن جعفر حيدر البياتي مكتوبه كاملة
قصيدة | كلبي كبر |
الرادود : حيدر البياتي
الشاعر : السيد موفق الموسوي
خـادم گــلبي كـبّر بالرايـة
يا موسى بن جعفر مشاية
🎶〰〰〰〰〰〰🎵
دمعـة بعيني نـادتك
زاير روحي گصدتك
جنـة عندي حضرتك ، يا اسد بغداد
بدربك طـشيت العـمر
عـمـري لـتـرابـك نــذر
تدري عندي من الصغر ، وياك ميعاد
گـبـرك لـو جنـة عـدن
نـزلت صارت بالصحن
خادم چن سري اندفن ، يم باب المراد
نتعنــه لضـريحــك وفـاية
يا موسى بن جعفر مشاية
🎶〰〰〰〰〰〰🎵
خادم باقي عـ العهد
گلبي يـم گبرك گصد
ياللي تحضر بالشـدد ، بدموعي انخاك
بـ بابك ناذر دمعتي
مـنك رايـد جاجتي
منـي تقـبل خدمتي ، خليني بحماك
عمري الدربك ناذره
وگبــرك ما رد زايره
رايــد دنيــا وآخـره ، ابقى انه وياك
ياخذري وشفيعي وحماية
يا موسى بن جعفر مشاية
🎶〰〰〰〰〰〰🎵
اسمك سر البسملة
عطـرك جـنة كربله
گــبــرك اتنعــه الـه ، نبضي يناديك
بگلبي هالاسم انكتب
حبـك راواني العجب
ناسي شي اسمه تعب ، من اعتني ليك
رايـة بچـفي تعتـلي
بيها كــاتـب يـا علي
الكاظم يا نعم الولي ، فاز اليواليك
واليـتك امــامي وارجـاية
يا موسى بن جعفر مشاية
🎶〰〰〰〰〰〰🎵
نوحي يوم مصيبتك
دمـي شـايــل بيعتك
ضمني عبـد بخيمتك ، يا كنز الاسرار
انت وغيرك ما ردت
ياللي بالنبضة عشت
حبك مثلـه ما شفت ، بي گلبي محتار
مني ماخذ هـالفكر
حبك علمني الصبر
عشگك يملي للعمر ، يالكاظم انوار
يالتـدري بمـرادي والغـاية
يا موسى بن جعفر مشاية
🎶〰〰〰〰〰〰🎵
لجلك ما همني الالم
گلبي يسبگ لـلجـدم
موعـد مولاي انرسم ، بينك وبيني
خـادم الـكــم انـتمي
وافخر بيكم محتمي
انــه العبد الكــاظمي ، اني الحسيني
دربك لو فرشوا جمر
امشي كــل عام اليمر
شـوفك روحي تنتظر ، يا نظر عيني
يـا نجمة هـدايــة بسمـاية
يا موسى بن جعفر مشاية
