كلمات قصيدة طبروا القرآن حيدر البياتي استشهاد الامام علي عليه السلام مكتوبه كاملة
تحميل قصيدة طبرو القرآن حيدر البياتي استشهاد الامام علي عليه السلام مكتوبه كاملة
قصيدة | طبروا القران |
الرادود : حيدر البياتي
الشاعر : مصطفى الشافعي
وجه السـمه ينـزف سور لــو طبروا القران
التوحيد تنعى الفاتحة والسجدة والرحمن
متيتمة الآيات ، المصحف الناطق مات
طبـروا القــرآن ، طبـروا القــرآن
🎶〰〰〰〰〰〰🎵
حيدر يحاجي الكواكب والكواكب حاچته
رادت تطـيح و لزمـها ابـو حـسين بـيمنته
راح حيـدر و العجيبة تبـقى دنيـا بروحته
عليـه كـل الكون ينـزف لمن صابوا هامته
كل نبي و مرسل منفجع ،متيتمة الاديان
إن الـذين آمـنوا حـيـدر ، أبـوهــم چــان
نصبوا اله عزيات ، المصحف الناطق مات
طبـروا القــرآن ، طبـروا القــرآن
🎶〰〰〰〰〰〰🎵
صوبو راس الكتـاب وتجـري عالشيبه سور
لچن عقلي مايصدك راس ابو حسين انطبر
ليـه كـل النــاس تگصد مــن يمر بيها خطر
يونس بحوت ويندبه يطلعه من ذاك البحر
لو علي نادب يا علي ،
بالشدة ندري شصـار
حامي الحمة يشد العزم ،
ويحـامي حــامي الجـار
المعروف بالشدات ، المصحف الناطق مات
طبـروا القــرآن ، طبـروا القــرآن
🎶〰〰〰〰〰〰🎵
أختلفت هواي الحياة وصار بالدنيا المحال
الليلة يتوجه عـ ولده اليحمل بچفه الجبال
سـاجـد الرب الجلالـه ودمه بالمحراب سال
من انطبر بالهـامة فزتُ اي ورب الكعبة كال
جبريل من سابع سمة
بنــبـرة حــزن يـنعــاه
و ينادي اركان الهدى
تـــهــــدمــــت والله
بث للأرض آهات ، المصحف الناطق مات
طبـروا القــرآن ، طبـروا القــرآن
🎶〰〰〰〰〰〰🎵
لچـن هـاي الطبـرة كلــها حــيدره ماهمته
أصعب اللحظـات عنده لـون زينب شافته
شلون تنظره العقيلة السيف واصل جبهته
عليهـا فــاطمة الزچـية وهيه ميته وصته
گلتله ارجع يـا علي
زينب صحت بالدار
شيصير بيها لو درت
مــا يـسـلــم الكــرار
تبچيله يا دمعات ، المصحف الناطق مات
طبـروا القــرآن ، طبـروا القــرآن
🎶〰〰〰〰〰〰🎵
ساعد الله العقيلة مساهره بهذا الوضع
طـبرة الكرار اجتها من بعد كسر الضلع
واليتامة شلون بيها بدار حيدر تجتمع
طـلع الفجــر عليـها مــن ثنيـات الدمع
من عگب ما چف حيدره
عليــهـم مـســح بـالهــام
تمسح براس المرتضى
و تــتـحسـر الايــتــام
الهم يرد هيهات ، المصحف الناطق مات
طبـروا القــرآن ، طبـروا القــرآن
