قصيدة: دار الزمن
اداء: محمد باقر الخالقاني
كلمات: سيد انور الموسوي
ʚʚʚʚʚɞɞɞɞɞʚʚɞɞɞʚʚʚʚʚɞɞ
دار الزمن بينه
راحت ليالينه
وتبدلت بسمتنا بدموع
دار وبلا امنا
ما يقبل يلمنا
قصة الم والباب موضوع
بالدار كلشي الم
كل صورة كل نظره
جدرانه جن سولفت ما ترجع الزهره
اليلجمنا ونصب دمع. مو دار نعتبره
الدار اصبح جرح. للموت مايبره
يادارنه يالجنت ضاوي
كلبي انكسر والحيل خاوي
غربت ام الدار يا دار
وما ابطل عليها النعاوي
من ساعة غيابج راواني مصابج يالحبيبه
يالحبيبه دارج غريبه
ʚʚʚʚʚɞɞɞɞɞʚʚʚʚʚɞɞɞɞɞʚʚʚʚʚɞɞ
ناتج بواچينا
بلكت ترد لينا
ما نمسح المدمع عالخدود
نتعب بجي ونغفى
بعيون متلهفه
ولا بالحلم لا واقع تعود
نمنا بدمعنا عسى. يردها الدمع لينا
ونحجيلها على البعد. وهي تحاجينا
ونكلها ضاك النفس. بعبرة بواجينا
اشتاكينا يالوالده. بحضنج تضمينا
لا اجت ولا سولفنا چلمة
فزينا شفنه الدار ضلمه
اليحلم ذبحته تصير مو سيف
لمن يايس مات حلمه
غفينا ويه املنا. وفتحنا وجرحنا. بلايه طيبه
يالحبيبه دارج غريبه
ʚʚʚʚʚɞɞɞɞɞʚʚʚʚʚɞɞɞɞɞʚʚʚʚʚɞɞ
كلمن بالم روحه
وآهاته وجروحه
ما يحجي خاف الثاني يحتار
تعلمنا حنيه
وصبحنا ماهي
تغربنا بس احنه بفرد دار
من يطوي صفحة القدر. لاما يرد ليها
يبدي بصور تختلف. الكبلها يمحيها
صبحنا ماعدنا اُم. يا جلمة نحجيها
يا ريت متنا من امس. ولا نبقى نبجيها
شتالي الدمع مابيه تالي
يا يمه حال الضيم حالي
بهذا العمر واتيتمينا
شتريد من عدنا الليالي
الليالي يتمتني. للهم سلمتني. ولنحيبه
يالحبيبه دارج غريبة
ʚʚʚʚʚɞɞɞɞɞʚʚʚʚʚɞɞɞɞɞʚʚʚʚʚɞɞ
سكتت محاچينا
صرخت بواچينا
تمينت كون امي تجي تشوف
عيلتها محتاره
والدمعه تجاره
دار الامان يهاجمه الخوف
زينب واهل دمعتي. وبيها انظر ايامي
بدار امي ما امنت. والنار كدامي
ودعت باول عمر. اولهن خيامي
وشراح افكد بعد. يا خيمة يا دامي
اول عمد طاح وكسرني
اول اخواني راح مني
ولمن شفتها ببابنا النار
حسيت جنها تعمدتني
چن هاي البداية. وبهيمه النهاية. والمصيبة
يالحبيبه دارج غريبة
ʚʚʚʚʚɞɞɞɞɞʚʚʚʚʚɞɞɞɞɞʚʚʚʚʚɞɞ
محمد باقر الخاقاني اني منطي مولاي كلمات,وعد الحب محمد باقر الخاقاني,محمد باقر الخاقاني هاي زينب,هوسات محمد باقر الخاقاني,هاي هيه محمد باقر الخاقاني,هاي الدنيا رحلة محمد باقر الخاقاني كامله,محمد باقر الخاقاني نجيك,محمد باقر الخاقاني نار الهجر,محمد باقر الخاقاني نغمة رنين,نعي محمد باقر الخاقاني,محمد باقر الخاقاني من عفت الخيم,محمد باقر الخاقاني مشايه
