خويه وينك ... آخر حجاية بلساني
راح صوتي و بجروحي صرخة ما راحت
يم حنينك ...عالرمل درته حناني
ما لگت جفك دمعتي و عالترب طاحت
اخر ألم احجي الك يحسين يا تالي هلي
مو هذا موعد موتتي عندي انه موعد أولي
ملهوفه اجيت من اللهب بس ما لگيت امچان الي
سهامك و لا انطتني شبر من شافت دموعي تهلي
السهام تحملت ذمة ،،، تزاودني يبو اليمه
بقيت بكسرة الخاطر ،،، اخوي گبالي ما اشمه
شبيهه السهام هناك ما تسمع ونيني
يا خويه ما انساك لو تنطبگ عيني
**
وينه عمري ... ما حسبته خلاف عينك
يا عمر دونك احسبه و شألگه بأيامه
تدري صبري ... راح وي نبرة ونينك
من صحت عطشان گلبي حرگته آلامه
گلبي احترگ من صيحتك و للنار ما يرهم دوه
بس بالعذب يطفه الگلب و الماي شح بنينوه
لو شارب الماي ارتوي چي گلبي وي گلبك سوه
يلي ذبح گلبك عطش شلون گلبي يشم هوه
أگلب ماهن اوصافك ،،، لگيتك ذابله شفافك
يخويه بيا عذر گلبي ،،، يشتم الهوه خلافك
عشت وي نار ضماك و ظلت تچويني
يا خويه ما انساك لو تنطبگ عيني
**
دمعه دمعه ... ثلمن بلساني أسمك
العبرة ما تنطيني فرصة تكمل حروفي
ماكو رجعه ... ما يرد لعيوني رسمك
عاشرت ليلة رحيلك وارتحل شوفي
من ليلة الحادي عشر من ساعة المدمع همل
لمن تعليت الرمح الليل بعيوني نزل
عيني انعمت شفت الضوه مدمه و على الرمح انحمل
جاني الأجل لكن لگه رمحك أخذ دور الأجل
بلا روح امشي بضعونك ،،، احط عيوني بعيونك
يحاچونك يتامانه ،،، و ارد لمن يحاچونك
بس لمن احجي وياك ياهو اليحاچيني
يا خويه ما انساك لو تنطبگ عيني
**
ذكرياتي ... وياك لچمات و مآسي
صواب صرت بكبر گلبي الينزف صوابه
و بمماتي ... گلت وين يصير راسي
خل يصير و حتى إذا اتوسد ترابه
يحسين صرت صواب الي يألمني بس لصوابي احن
كل ذكرى منك انلچم تفتحلي باب من الحزن
بلحظات موتي اذكر و أفز ماي و غسل طبگة جفن
من صعدة التل ما أهم اندفن لو ما اندفن
لأن فوگ الترب شفتك ،،، بلا غسل و چفن عفتك
لا تگدر تگوم وياي ،،، و لا انه بأيدي دافنتك
بآخر نفس و انعاك نومك يبچيني
يا خويه ما انساك لو تنطبگ عيني
**
الملا محمد باقر الخاقاني
الشاعر سيد مرتضى الياسري
✮✮✮✮✮✮✮✮✮✮✮✮
محمد باقر الخاقاني جديد,محمد باقر الخاقاني ليالي الجرح,محمد باقر الخاقاني بعد النبي على المغتسل,محمد باقر الخاقاني استشهاد فاطمة الزهراء,محمد باقر الخاقاني دنيانا ظلام,محمد باقر الخاقاني شور,محمد باقر الخاقاني وطن حبك,محمد باقر الخاقاني سلام عن بعد,محمد باقر الخاقاني سر دمعتي,محمد باقر الخاقاني استشهاد الامام الكاظم,محمد باقر الخاقاني يا ابا عبد الله,محمد باقر الخاقاني يا اهل العالم,محمد باقر الخاقاني يبني علي
