كلمات قصيدة طبوها الأسود الرادود مسلم الوائلي مكتوبة كاملة
مسلم الوائلي جديد,مسلم الوائلي وعلي الوائلي,مسلم الوائلي طبيعيه اليحب معذور,مسلم الوائلي شور,مسلم الوائلي ساجيني حزنك,مسلم الوائلي طايح بين خياله,مسلم الوائلي ياعلي عيونك محطات,مسلم الوائلي تكوم لو لا
القصيدة: طبوها الأسود
أداء : مسلم الوائلي
كلمات: علي السيلاوي
~~
هدوا والزلم طگت الراس براس
حي الله بالاكبر زوده ما ينقاس
خافوا من خزرته بحين بيهم غار
طگ ظهر بظهر وي الگمر عباس
زينب عمته تهلهل للاكبر والعزم شاله
الاكبر امه اتزامط بي ما واحد تدناله
گلها العمه ما اشوفن زلم بيهم
لو طبوا ملاحم من يلاگيهم
~
طبوها الأسود وگلبوا الحومه
يا حي الكلف بالايد جيدومه
يم عباس كلها ادنگ الفرسان
من غيضه الشجاع ايشگگ هدومه
من صرخاتها تفر گوم يشبه بالحرب حيدر
گصته ولو طگ عرج الغيض ما يبقه اثر للشر
ما يتگابل وظل يضحك عليهم
لو طبوا ملاحم من يلاگيهم
~
الشده تريد زلمه اللي يلاگيها
مو كلمن يگلك انه راعيها
لو مالت علي الأكبر يعدلها
والعباس گدها ولايگ عليها
هذا ابن الما رد الضيف كل الناس يعرفونه
من گد ما عالي ومهيوب حيدر ثاني يسمونه
تاهوا بالعرك وهو اليدليهم
لو طبوا ملاحم من يلاگيهم
~
هاشم بالحرب ما عدو العيله
شيالت ثگال وتعدل الميله
عباس ويه الأكبر ذوله ولد اسباع
العاداهم تورط لبسوا شيله
لعبوا فلك بالميدان والعسكر هزموا جيشه
فارسهم ويصيح دخيل بالشرده بخف الريشه
يستر الله لو رفت جفافيهم
لو طبوا ملاحم من يلاگيهم
~~~
من طبع الأسد ما يخطي بالصيده
مترهي اعله كيفه يسوي اليريده
شبل حسين گدها وعن الف ينعد
خيال الملاعب والحرب عيده
يا محله العباس بهاي بيهم عالشط شسوه
لو هيجي الخوه ولو لا تسوه اقرانه الخوه
اخوته حيته وهو يحييهم
لو طبوا ملاحم من يلاگيهم
°°
