قصيدة أمنيتي أغمض العين مسلم الوائلي مكتوبة كاملة
قصيدة: أمنيتي اغمض العين
أداء: مسلم الوائلي
كلمات: عباس طالب السعيدي
_____
أمنيتي اغمض العين
وانه اعله گبر حسين
وهناك اموت بكربله
وانه اعله گبر حسين
_____
اخذوني يمهم وانه ميته
الما خذوني وانه عدله
اخذوني يمهم وحلفلكم
ما اگول الناگه هزله
گد ما غريبه وما اليه امتاني
تمنيت اموت بصف هلي وخواني
تمنيت اليشيل الجنازة العباس
وحسين البليه دفن دفاني
لو بته ما ميته بخضابه
جا يگعد من اتگله بابه
لو نايمه اعله اتراب الحسين
جا ناسيه اتراب الخرابه
تمنيت اروح هواي
واخذله ماي وياي
مو إلا اروح امدلله
وانه اعله گبر حسين
_____
الما يموت بنص اخوته
جنازته ما تبقه ساعه
واليموت وماد ايده
الوادم مقصره بوداعه
انه الغريبه الميته وينشدوني
جي محد مجلب باليشيعوني
لو ميته ويه اخواني ذيج الليله
جا لا غريبه ولا انه زرگه امتوني
عباس اخذ وحده من اديه
حته من اسلم رد عليه
يالجلبت بيكم تظلون
وانتم ولا جلبتوا بيه
مشتاگه روحي اتزور
ميته منهد عاشور
وينه اليگلي يا هله
وانه اعله گبر حسين
_____
المحد من اخوانه يمه
ينسأل كل ساعه عنهم
والدفنهم هم سئلني
وهو أمس بيده دفنهم
الما يمه خوانه ويموت بسكته
بس يوم حدها وتنگضي فاتحته
يتغير الفارگ هله بساع ابساع
حته اليعرفه يگله ياهوه انته
متغيره واشبه لون متني
والگتله زينب گام عني
الساحگته خيل وما عرفته
رديت عدله وما عرفني
كلما اطب للدار
گالوا عليْ خطار
مثل الغريب بنص هله
وانه اعله گبر حسين
_____
اسمي اخر مره اذكره
من ابو فاضل جان يمي
الصاح زينب ما اتلفت
من كثر ما ناسيه اسمي
عباس صاح وادري قصده عليه
ما گتله ها حته اسمع اسمي شويه
من گابلت روحي وگلت ياهي انتي
الگبالي زينب هيه لو مو هيه
لون الصحاري الصار بيه
ومو مثلي حته المغربيه
انه الدمعتي امحجبه اطيح
يگولون عني خارجيه
اوگف ولا يرضون
ومن اركض يضحكون
حيره وعشتها بالفله
وانه اعله گبر حسين
_____
