كلمات قصيدة چانت سمه امنه محمد الجنامي مكتوبة كاملة
قصيدة : چانت سمه امنه
الشاعر: كرار حسين الكربلائي
ذكرى : ليالي استشهاد فاطمة الزهراء عليها السلام
چــانت سـمه اُمـــنه ... كـــل مغــرب تلــمـنه
فاطـم نَفَـسـهَا ينحـسب عنــــد الله تكبــيـره
مثل الشمس راحت ... هالخيمة من طاحت
سبــحه وتطــشّرنـه وصفـينه كلــمن بديــره
🥀▪️🥀▪️🥀▪️🥀
أَبدي منّ احجابها اليسوه السماوات
اخيـال فاطـم چـان يتفصّل عبايات
من كمال امّي انفهم معـنى الكمالات
لو نـزل جبريــل هـيّه اتعلمه الآيات
چـان الآيـه يقــراها .. وامّـي تفهـمه معناها
من اتصلّي جبرائيل .. جماعة يصلّي ويّاها
چـان الوحـي ذكره ... تسبــيحة الزهره
قرآنــه يتفسّر واســمها صــعب تفسيره
مثل الشمس ذابت ... من ساعة الغابت
سبحه وتطشّــرنه وصفينه كلمن بديره
🥀▪️🥀▪️🥀▪️🥀
الله خلّاها أميــــنه فــــوگ أرضه
الشمس ماتطلع اذا مو امّي ترضه
والفـجر چـم مرّه من ضيها توضّه
گلب حيدر دنيا بس فاطمة نبضه
ذاكه المرتضى براسه .. النزل حتى العرش باسه
لــمّن ماتــــت الزهره .. مــاتــت حــتّـى انفـاســه
حيــدر بقـدسـيته ... اگباله احترگ بيته
ضربوا حُرمْته ومن ضلعها سمع تكسيره
مــن ودّع الشمعة ... صــرنه مثـل دمعة
سبـحه وتطـشّرنه وصفـينه كلمن بديره
🥀▪️🥀▪️🥀▪️🥀
مــن بعــدهـــا والــدي عاف المدينه
شلـنه مــنّ البــيت للكــــوفه اجينه
ساعه لنّ نسمع علي راح امن ادينه
بــلا علـي ولا فــاطـمة تالــي بقينه
ثوبه المنخضب بدماه .. يم ثوب امنه خلّيناه
حيــدر يشــبه الزهـره .. بليــلة ظلمه شيّـعناه
تراب النجف قاسي ... ياخِــذ أعــز ناســي
اي والله حيره يا خلگ هجـر المحب حيره
هيــبه الابـو هيــبه ... مـن خضّـبوا شيــبه
سبــحه وتطــشّرنه وصفــينه كلـمن بديره
🥀▪️🥀▪️🥀▪️🥀
للمــديـنة عــوّدت وآنــــه بحــنيــنــي
النوب ظلّت عالحسن مشبوحه عيني
ريــحة امّــي بــيمــنته لازم يمــــيني
اسمعــته گــلّي يختي زينب ودّعيني
اگعدت يمّ الحسن گعده .. واشوفن بالطشت چبده
بديّــه غمّــضِت عيــــنه .. عزيــز ابـــن امّي شيردّه
اهوايه الاخو غالي ... ونعشه مشه گبالي
ســدّوا مضيفه الّي اكل جبريل من خيره
ظلّيــنه نــــتحــسّر ... آنــه وأبــو الاكـبر
سبــــحة وتطــــشّرنــه كلــــمن بديــــره
🥀▪️🥀▪️🥀▪️🥀
مابقى من الزهرة بسّ حسين ليّه
وچمّـلتـني كـربـله ظيـم العلـيّـــه
مدري اوگف أرد عنّه خيول اميّه
لـو اردّ النــــار لا تچـــــوي رقيّــه
جدّامي انسـحگ صدره .. وحافـر طـــلع من ظهره
اشــوفن عالرمـح راسه .. وبالشيله امسحت نحره
اصــعب جـــرح بيّــه ... گـــادونــي مـــسبــيّه
وسوط الشمر فوگ المتن وانا اخت ابوالغيره
ضعـــني بَــلا كافـــل ... مــن بـــعد ابو فاضل
سبـــحه وتطــشّرنه وصفــينه كلــمن بــديــره
محمد الجنامي جديد,محمد الجنامي شفتك انيق بطيحتك,محمد الجنامي عافوني وراحو,محمد الجنامي حالات واتساب,محمد الجنامي استشهاد الزهراء,محمد الجنامي سولفتك,محمد الجنامي عالم اخر,محمد الجنامي ام البنين,محمد الجنامي يوادي النجف,محمد الجنامي يا طير,محمد الجنامي ياحسين,محمد الجنامي وفاة السيده زينب,محمد الجنامي وعمار الكناني,نغمة رنين حسينية محمد الجنامي,ندمان محمد الجنامي,نعي محمد الجنامي جديد,نواعي محمد الجنامي
