كلمات قصيدة يابوعلي محمد الجنامي مكتوبه كاملة
📜قصيدة : يابوعلي
✒الشاعر : كرار حسين الكربلائي
ذكرى : استشهاد النبي محمد صلى الله عليه وآله
🕌 حسينية : هيئة سيد الأوصياء -واسط-
يابو علي .. لمحة بصر شــو خلّصن شهرينك
يابو علي .. سامحنه عالتقصير فدوه العينك
يابو علي .. ننطي عمـرنه ومانـوافي ابدينك
◼🔷️🔶️◼
بين خـدمتنه .. وبين دمعتنه
دمعه مبخــــوته الإلك نبچيها
حسين يالغالي .. وياك للتالي
حلوه الايـــام النخـدمك بيها
عن خدمتك هاي يمولاي شحجيلك
مـــاريــد العــيون اذا مــا تبچــيلك
خلّيني ويّــاك يــبو سكينه ادخيلك
انت المهم .. غيـرك حبيــبي ايّ بشر ميــهمني
انت المهم .. ضايع وأريد ابّين ايديك تضمني
انت المهم .. عـشرة عمر بين البواچي وبينك
◼🔷️🔶️◼
يالعشت بينه .. آه يبو سكينه
الله لايحـرمنه مـــن ايّــــامك
هاي محـلاها .. بيــك نتــباها
وأنت بعيونك تضـــم خدّامك
صعــبه عليـنه تمـر هــاي الفتره
يوم اربعــينك بعــد عام ننتظره
گلب اليخدمك يمولاي شيصبره
الى الوداع .. زوّارك بچــم دمــــعه ودّعنــاهم
الى الوداع .. اهلًا يزاير صـــارت الله اويـاهم
الى الوداع .. شننطيك يالمنطينه كل اسنينك
◼🔷️🔶️◼
تنتهي صــعبه .. نعيش بالغربه
وحشــــه للزوار تبـقى ابگاعك
تروح خـدّامك .. تنوح گدّامك
صعبه عدهه من تريد اوداعك
يلمـــلم غراضه ويناديك الخادم
وفّقني يحسين الى العام القادم
يشبع بواچـي ويصبرونه الوادم
هاي الخَدَم .. مثل اليتامه وأنت ابوها بعينك
هاي الخَدَم .. نذرتلك اسنـين العـمر يحسينك
هاي الخَدَم .. مثـل الطيـور وتاكـل بچفــينك
◼🔷️🔶️◼
انروح بصفوفك .. نموت منعوفك
ردنـه امّـــك فاطــمــه اتســجّلــنه
نــــاس مشّــايه .. ونـــاس بچّايه
كلــشي سويــــنه المــــهم تقـبلنه
انودعك يغــــالي والأرواح مشتاگه
وكلمتنه يحسين متى اوياك نتلاگه
المثــلك يمولاي ترى انموت بفراگه
وبكربله .. كل سنه عالخـدمه تلمّ احـــبابك
وبكربله .. نگــعد سـوه يابوعلـــي يـم بابك
وبكربله .. من رضّت الحافر سمعنه اونينك
◼🔷️🔶️◼
بهاي خدمتنه .. اتصـيح دمعتنه
ليــش داســــت جسمك الخيّاله
النار بخـيامك .. فـــوگ ايتامك
ياغــريب وهـــمّ غريـــبه اعياله
زينب على التل تناديك يبن امّي
حرگوا خيــمنه والعبّاس مو يمّي
ياكاشف الهـم منو اليكشف همّي
يابا الفضل .. زيــــنب سبـيّه عالهــزل اخـــذوها
يابا الفضل .. بحبال خشــنه من طحت چتفوها
يابا الفضل .. انسمعك صحت لمن هوت چفينك
محمد الجنامي جديد,محمد الجنامي شفتك انيق بطيحتك,محمد الجنامي عافوني وراحو,محمد الجنامي حالات واتساب,محمد الجنامي استشهاد الزهراء,محمد الجنامي سولفتك,محمد الجنامي عالم اخر,محمد الجنامي ام البنين,محمد الجنامي يوادي النجف,محمد الجنامي يا طير,محمد الجنامي ياحسين,محمد الجنامي وفاة السيده زينب,محمد الجنامي وعمار الكناني
