كلمات قصيدة احلم حيدر البياتي مكتوبه كامله
قصيدة | أحلم |
الرادود : حيدر البياتي
الشاعر : السيد موفق الموسوي
كضيت عمري بموتي أحلم
وي الحـسين الشمــل يلتم
ولـفاطمـة بيده يوديني
واهناك أبچيها وتبچيني ، أحلم
🎶〰〰〰〰〰〰🎵
حيدر خطبني و غير أحوالي
كــل الفــخر ويــاه تعــنــالي
صـورة الزهــره صارت ابالي
وويــاها اتلاگـه گلـت تــالـي
صحت صوت ، يجي الموت
والگـلب وي الزهـره ميعاده
گـلـت ريـت ، أجـي البيت
بس بشرط خدامه للساده
وافقـت بـس دمـوعـي بـالعـين
صارت صدك راح اخدم حسين
وبالحشر أمه من تلاگيني
واهنـاك أبچيهـا وتبچيني ، أحلم
🎶〰〰〰〰〰〰🎵
الله إستجاب الدعوتي برحمة
و طبيت بيت حسين متحزمة
كـلشـي يلـزمــه اركض اشتمه
حتى التراب الساحكة بچدمة
أداريــــــه ، وأنــــــاديـــه
أني بحلم لو علم حاچيني
الـــه الــروح ، فــده تـــروح
وفرحة الخدمة مبينه بعيني
فرحانة أحس روحي أميرة
خـدمـة حسين شكد جبيرة
صرخاتي يا زهراء شوفيني
واهنـاك أبچــيـها وتبچـيني ، أحلم
🎶〰〰〰〰〰〰🎵
ربــيت أربـع خــدم ممنونه
كلهم نــذر يرحون لـ عيونه
اتعلموا من عندي يخدمونه
و بس سيدي جانو ينادونه
حـَـنــيــني ، البــنــــــيـــنـي
اتعبت برباهم والظهر محني
يــَ مــــولاي ، يــَ رجـــــواي
والگله خويه مااحسبه أبني
قـدمت كــل ولـدي هدية
بس كون ترضه أمه عليه
أخدم إبنها و دمعتي بعيني
واهنـــاك أبچـيها وتبچيني ، أحلم
🎶〰〰〰〰〰〰🎵
يـوم المشه للطف گطـع بيه
و ظلـيت للدمعــات محنـيـه
يـا فـشلتي مـا رحت مسبيه
وجمر الخيم ما حرگ رجلية
ردت كــون ، بــالمــتــون
سوط آل أمية يترك آثاره
اخــليــه ، أفــتــخــر بيه
و يم الزچية اشتگي ناره
إتمنيت مـن تـلاكي اليه
بجرح الحبل تنزف اديه
بحسين أعزيها وتعزيني
واهناك أبچيها وتبچيني ، أحلم
🎶〰〰〰〰〰〰🎵
عگب الحسين العمـر ودعته
يـــوم الآجـل بالنـوح ناطرته
من كثر دمعي شوفي فاركته
بـيــده يـنــزلنـي الگــبر ردته
العــــمــــر راح ، بــالــجــــراح
الشوفت حبيبي روحي مشتاكة
بــالهـمـوم ، انتـظــر يوم
وي الحسين اردود اتلاكه
والزهــرة اخــيــراً التقيها
وچفوف أبو فاضل بديها
وأشتم جفوف ابني تخليني
واهنـاك أبچيها وتبچيني ، أحلم
