كلمات قصيدة يوم المبارك حيدر البياتي النجفي مكتوبة كاملة
قصيدة | يوم المبارك |
الرادود : حيدر البياتي
الشاعر : عباس فاضل الكندي
يوم المبارك يرجع المهدي بسلام
يمه ذكريني يقـرة ما بين الخيام
شـمعـة ظـهـوره مــن يشـعلــوها
من صدر جده باجر يطلع السهام
🎶〰〰〰〰〰〰🎵
فرحـة الزهـره تبـدي من يوم الظهور
يلتـم ضلعها ويشفي من ذيج الكسور
تكمل الفرحة من يجي المهدي الغيور
بالطـف تشـوفه واگـف يروّي النحـور
تـرتـوي المهـجة المــا شــربــوها
من صدر جده باجر يطلع السهام
🎶〰〰〰〰〰〰🎵
من تجي الساعة وگلب أبو صالح يطيب
مـن ثـدي النيبـة راضـع بصـافي الحليب
المهدي يــا جمعـة يمسـح الخـد التـريب
عـين أبـو فــاضل لسـه ما مرها الطبيب
يمـتى يشفيـها العـيـن الطـفوهــا
من صدر جده باجر يطلع السهام
🎶〰〰〰〰〰〰🎵
يمـتى جبـرائيـل يهتف بــين الجـميع
طـلــع البــدرُ مــن ثنــيـات البــقـيــع
و يـتجـه للطـف يفتح أبــواب الربيع
وتوگع دموعه بنحر عبد الله الرضيع
يقبـل چـفوفـه المــا گــمطــوهــا
من صدر جده باجر يطلع السهام
🎶〰〰〰〰〰〰🎵
بـاجـر المهـدي ينـكـث همـوم السنين
تبــرد الدنيــا و يرتـوي نحـر الحسين
يقـرة يــم نـحره الفــاتحـة لأم البنين
بجود أبو فاضل يغسل جروح الجبين
يـذكــر هـدومـه مــن سـلبــوهــا
من صدر جده باجر يطلع السهام
🎶〰〰〰〰〰〰🎵
بـاچر شمحله المهدي لـو فل النگاب
من علي الأكبر يمسح الـدم و التراب
يگـعد ويـانــه و نستمع منه المصاب
و يبچي عالقاسم من تمر زفة شباب
الحنـة بـدموعــه مـن يدوفــوها
من صدر جده باجر يطلع السهام
🎶〰〰〰〰〰〰🎵
لشـوكت زينب تنچـوي بنــار الدموع ؟
وين أبو صالح خل يوچ يمها الشموع
غــربـة رقيـة تـنتـهي بفـجـر الطـلـوع
سـوط السـبوهـا لسه طـابع عالضلوع
بجيتـه تتشـافى الطفلة السبوها
من صدر جده باجر يطلع السهام
