كلمات قصيدة جنازة العيد حيدر البياتي مكتوبه كاملة بمناسبة استشهاد الامام علي عليه السلام
قصيدة | جنازة العيد |
الرادود : حيدر البياتي
الشاعر : وسام الشويلي
تـانيني يالرايـح بجنــازة العـيد
وياك اخذ روحي لسنيني ماريد
محسوبة ميتة ، عاشوري شفته ،
بجنازة العيد
🎶〰〰〰〰〰〰🎵
معروف الأبــو خـيـمــة
حنين و عــازتــه عـازه
وهالخيمة عجيبة شلون
فَيهـــا انـشــال بجنــازة
الأبو مو بس حضنه دافي حتى نضراته
والأمــان يصــير كــلــه بلــون شــيـباته
غيمــة بــس يمـطر محـنــه على بنيـاته
عني إذا يمشي يوگف هوه الروح
وسنيني اگضيهـا بدروب الجروح
بجرحة النظرته ، عاشوري شفته
بجنازة العيد
🎶〰〰〰〰〰〰🎵
گبل العيد مات العيد
وهـلال المحــرّم لاح
وبرمضان أحس عاشور
بــيــن والمخـيم طــاح
شرد أسولف راح أسكت واحچي يانوحي
الأبـو والي الأبـو غـالي واغلى من روحي
الموت من غمض عيونه انفتحت جروحي
مـوت الأبـو يعني بيه الفرح مات
شويه يظل صبري وهوايه شمات
سم وجرعته ، عاشوري شفته
بجنازة العيد
🎶〰〰〰〰〰〰🎵
مشــاعر للحــزن والــهم
تدور وتمشي بإحساسي
ولمـن شـالوا التــابـوت
طـاحُت كــربلـه براسي
أشــرت بيــدي ودمعتي أعلى من صوتي
ويــاك يلــ شـايل الغـالي شـيل تــابـوتي
من اظل كل ساعة اموت ومايجي موتي
متجمعة أبـالــي هـالليلــه أحـداث
أحجيها وجروحي من أمي ميراث
ما بيه سكته ، عاشوري شفته
بجنازة العيد
🎶〰〰〰〰〰〰🎵
يل ماخذ أبو زينب
للمدفن دخذ زينب
لأن كلما بعيد يصير
أحـس بكربله تگرب
كمت أندبه بصوت هضمي بنبرة فراگه
بدمعة تشبـه دمـع بـاجــر وآنه عالناگه
مشـو ليـل هـدعـش بالطف راح نتلاكه
لا مو وهم هذا واقع وأحس بيه
باجر وآنه اعله التل باجر اناديه
وأنتظر جيته ، عاشوري شفته
بجنازة العيد
🎶〰〰〰〰〰〰🎵
مو بس عالأبو بهالليل
أنعـى ودمـعتي تجري
أبچي للحسن لحسين
للعــبــاس والــخـدري
بــلا أبــوي تصير غــابــه ديــرة الكــوفــه
ومنهـا راح اطـلع وأجيـها بحــبل مجتوفة
يشوف طولي الچان يحلم طارفي يشوفه
مـا تنتهي قصتي وتدور الأيـام
من هالوطن أطلع مسبية للشام
حالي عرفته ، عاشوري شفته
بجنازة العيد
🎶〰〰〰〰〰〰🎵
يل تدفن أبوي تريد
أخذني وياه وأدفني
الميـت واجــب يــواروه
وآنه روحي اطلعت مني
يل تگلـي الصبر وينه استرجعي وهيدي
شـلون أهيـد وراح ينــزل بالگــبر عيدي
آنه عمري انحسب ماي و طاح من ايدي
راح الأبو يا من تسألني عالجاي
شيظل اذا خدري ما يبقى وياي
الوالي دفنته ، عاشوري شفته
بجنازة العيد
