يالنويت اتــــــروح
من تغيب اشلون اگضّي اسنيني
يا علي بليل الهجر
عيني تـسهر للفجر
ما انام ولا تغمــض عـيني
يالنويت اتـــروح وتخليني
ــــــــــــــــــــــــــــــــــــــــــــــــــ
شلون تغفى اعيوني عگب اعيونك
واستلذ ابنــــــــــومتي من دونـــك
يا شــــــــريج الروح ريض هـــونك
تدري زيـــــــــنب ما تعيـش بدونك
ما تحَمَل فرگتك تدرينـي
يالنويت اتــروح وتخـليني
ــــــــــــــــــــــــــــــــــــــــــــــــــ
انته خيمه الجانت تفــييلي
بطيحتك طاح وتهدم حيلي
ذاب بمصابك يبويه اغــليلي
بالنوايح راح اخلّــص ليــلي
وما ابطّل دمعتي وونـــــيني
يالنويت اتــــــــروح وتخليني
ــــــــــــــــــــــــــــــــــــــــــــــــــ
بويه من صغري الدهر عاداني
من حضن امي ابعجل حرماني
طفله ونجوم الـــــضهر راواني
وهــسه بمــصابك اون خـلاني
بعدك اسهام الـهجر ترميني
يالنويت اتـــــروح وتخليني
ــــــــــــــــــــــــــــــــــــــــــــــــــ
العيد مجبل والفرح سد بابه
ولدموع اعله الوجن سـجابه
شلون حاله ليفگد اغله احبابه
ناره تســـعر بالگــــــلب لهابه
نار فگدك يا علي اتـــجوّيني
يالنويت اتــــــروح وتخليني
ــــــــــــــــــــــــــــــــــــــــــــــــــ
يا مهجتي ويا نبض شرياني
لا تودعني وتهيّج احـــزاني
وداعك يهدني ويهدم اركاني
ويصبح الهم ولـحزن عنواني
حتى شهگات النفس تاذيني
يالنويت اتــــــروح وتخليني
ــــــــــــــــــــــــــــــــــــــــــــــــــ
ألمــــــاني وعذباني امصابك
كون بيه طبرتك وصــــوابــك
ريت اموتن وندفن بــــترابك
يــــــمرد الدلال بويه اغيابك
بيش اصبّر الروح من تجفيني
يالنويت اتــــــروح وتخليني
علي كاظم المنصوري
جبريل الملك نادى
جبريل الملك نادى واويلي على الكرار
الكون أهتزت أوتاده واويلي على الكرار
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
علي طايح أبمحرابه واويلي على الكرار
الملعون أبغدر صابه واويلي على الكرار
أويلي مكلف أصوابه واويلي على الكرار
اللعين أتحقق أمراده واويلي على الكرار
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
علي ماتمم أصيامه واويلي على الكرار
غدر مطبور بالهامه واويلي على الكرار
السيف أتعده العمامه واويلي على الكرار
غدرو هيبة الساده واويلي على الكرار
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ظلمه صارت الكوفه واويلي على الكرار
شمسها اليوم مكسوفه واويلي على الكرار
حيدر غاب متشوفه واويلي على الكرار
راح اليرهب القاده واويلي على الكرار
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
راح اليله أبو الغيره واويلي على الكرار
منّه فرغت الديره واويلي على الكرار
اليتامه ضلت أبحيره واويلي على الكرار
الحال النوب يتراده واويلي على الكرار
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
أبن ملجم فجعنا اليوم واويلي على الكرار
سوّه عملته المشؤوم واويلي على الكرار
علي غدروه أبشهر الصوم واويلي على الكرار
اللعين أبطبرته أتماده واويلي على الكرار
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يويلي أشسوت الطبره واويلي على الكرار
مصابك ياعلي أشكبره واويلي على الكرار
نواسي فاطمه الزهره واويلي على الكرار
ونواسي جملة أولاده واويلي على الكرار
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كلمات الشاعر والرادود عدي البصراوي
لما دنت وفاة امير المؤمنين علي علي السلام
اوصى ابنته زينب بهذه الوصية
اسمعيني بويه زينب كربله
اسمعيني بيها نكبات وبله
اسمعيني وانتي بويه امدلـلله
اسمعيني
ـــــــــــــــــــــ
اسمعيني وادري بيچ الواعيه لهاي الامانه
بويه زينب كان يا ما كان جدچ ضيف اجانه
يالحبيبة وچان جبرائيل موجود بزمانه
انه وامج وجاب بيده الطف يبويه وشوفانه
يالحبيبة وسولف الما ينحمل
بالمصيبة چان دورج مو سهل
صعبه من يسبونچن فوك الهزل
اسمعيني وهاچ من صبري صبر
اسمعيني لا تخافين الشمر
اسمعيني وادري بيج امعدله
اسمعيني
ــــــــــــــــــ
يا العزيزه بويه يل ماكو بغلاتچ يل حبيبه
انتي روحي يلي تدرين اعلى روحي اشگد قريبة
اسمعيني خل اسولفلچ على ايام المصيبة
بويه زينب ابكربله اتضلين يا بنيتي غريبة
ايعينج الله من تشوفين المصاب
هذا اخوج حسين مرمي اعلى التراب
عوفي كلشي ولا تعوفين الحجاب
اسمعيني ادري بيه موقف صعب
اسمعيني وانتي ما عندج گلب
اسمعيني لا يهزج حرمله
اسمعيني
ـــــــــــــــــ
ودعيني بويه گومي اتدني ليه وخل اشمچ
اه يزينب لو بديه ابروحي يا زينب اضمچ
يا وردتي عن مصايب كربله خليني افهمچ
اعذريني لا علي موجود لا موجوده امچ
هناك وحدچ بويه وامصابج چبير
ماكو كافل والحسين ابلا نصير
وادري كلبچ بويه يا زينب يحير
اسمعيني بكربله نار وذبح
اسمعيني وراس امامچ عالرمح
اسمعيني بويه هاي المشكله
اسمعيني
ــــــــــــــــــ
افهميني ارد اوضح لچ مصايب من مصايب
شلون حالج من تشوفين الحسين اعلى الترايب
عالشريعة غدرو العباس هزام الكتايب
كلها غربه وانتي ما عندچ عمام ولا كرايب
كضّي گلبچ خاف كلبچ يحترگ
صمّي اذانج من تسمعين السحگ
جسم اخوج حسين ضل ما ينشبگ
اسمعيني حتى ما يكدر يون
اسمعيني طحنوا ضلوعه طحن
اسمعيني تبقه جثته امرمله
اسمعيني
ــــــــــــــــــــــ
يا بناتي من يطيح اعلى النهر صاحب علمچن
بليلة ظلمه تبقه بس نسوان ذبحوهن زلمچن
شلون حالج من توج بالنار يا زينب خيمچن
بالصحاري بويه اشردن بلكي يا هيمه تلمچن
گاع هيمه وما يضل عدچن كفيل
وانتي وحدج بويه وامصابچ ثكيل
ما بقت بس اليتامه والعليل
اسمعيني لمي الاطفال البقت
اسمعيني مصيبتچ ما خلصت
اسمعيني اشكد مصايب شايله
اسمعيني
ــــــــــــــــــــــــــــــــــــــــــــــــــــــــ
يالغريبة خل اكض كلبچ يابويه بها الروايه
اتدني ليه يالعزيزه وخل اوصيچ بوصايه
صيري صلبة بويه من تمشون يا زينب سبايه
عاهديني ديري بالچ بويه لا توگع عبايه
والارامل واليتامه امچلبه بيچ
امگطع العباس بيمن يعتنيچ
وانه تالي الليل يا زينب اجيچ
اسمعيني من يحرگون الخيم
اسمعيني لملمي ايتام وحرم
اسمعيني اتكفلي بالعايله
اسمعيني
ــــــــــــــــــــــــــــــــــــــــــــــــــــــــــــ
نعيم ابو باقر الساعدي
هّيَ هّيَ والله
هّيَ هّيَ والله .. ليلة اصياح وطبر
هّيَ هّيَ والله .. والوعد وي الفجر
هّيَ هّيَ والله .. منها ينبـاگ العمر
مظلمه وهالليله دمي يصعد السابع سمه
عجّل اسمع من محمد يلله ياحامي الحمه
هّيَ هاي التحدي ضيّنه كلهه لجمات ودمه
اتـهـون طبـرة راسي بيه وي لقائي بفاطمه
هّيَ هّيَ والله .. كلشي ناده ابهالمسه
هّيَ هّيَ والله .. زمن بينه شگد قسه
هّيَ هّيَ والله .. ليله مشحونه ابغدر
هّـيَ لا حَـــــوله ولا قــــوةَ الا بـالآله
تِتبـّـع هــاي الصوائح نـوح من بعد الصلاه
ايخييم بداري الؤنين ورأسي يتنازف دماه
انهدمت اركان الهدايه تصرخ املاك السما
هّيَ هّيَ والله .. والملائك صايحه
هّيَ هّيَ والله .. عيون حيدر رايحه
هّيَ هّيَ والله .. ليله وحشه بلا گمر
رحت للمسجد وانا اسمع ياعلي رد ياعلي
سلمت امري لقضه الله امري بيد الله الولي
الكاتبه الباري يصير وصحت روحي توكلي
وينـطبر ادري انه رأسـي والصـوايح تعــتلي
هّيَ هّيَ والله .. ليلة الهم والدمع
هّيَ هّيَ والله .. واليحبني ينفجع
هّيَ هّيَ والله .. بيهه دمي ينهمر
ألاذان الفجــر صــوته اللــيله كَبــر للحزن
و اشــهــدُ أنّ عـليــاً هالــسمه ابطبره يؤن
من حسن وحسين ناره ألدمع يملي الجفن
وگلب زينب بالصوايح يوگع ويبجي ويحن
هّيَ هّيَ والله .. ليله تكسر كل گلب
هّيَ هّيَ والله .. صعب نتحمل صعب
هّيَ هّيَ والله .. راسي كعبه وينفطر
تكتل الضلمه الشموع بليلة التاسع عشر
شفت منه شكد جروح ومارحم بيه الدهر
و آه من غــدر الزمان بليله بـايگ جم گمر
بعد ساعه يفيض دمي واستعد انه السفر
هّيَ هّيَ والله .. ورسمت اموادع الي
هّيَ هّيَ والله .. وراح ترحل يا علي
هّيَ هّيَ والله .. والحزن هم يستمر
ليلة احزان ودموع وخذت بالي اليا تعب
اتخيلت زينب وحيده والدهر بيهه شلعب
لا اهلهه ولا عشيره ولــونهه بلـون الـذهب
تمشي وي اجناب غربه هذا امر الله انكتب
هّيَ هّيَ والله .. ليله تشبهه اشكثر
هّيَ هّيَ والله .. تنزف ادموع الحمر
هّيَ هّيَ والله .. وتمشي زينب لليسر
موشح الامام علي (ع)
الليله نشكي الفاجعه الرب المعين
من رحل حيدر امير المؤمنين
الليله نشكي الفاجعه بدمع الصبر
على الهامه لاحته اچفوف للغدر
بسجده وبمحراب ودع هالعمر
وسال اشرف دم على اشرف جبين
سال اشرف دم لجل هذا الوجود
و دمه سر يبقه من اسرار الخلود
باچر بيوم القيامه من يعود
ايوقع بأيده صكوك العاشقين
ايوقع بأيده الصكوك اعله الخدم
ويمه واگف بالسجل راعي العلم
الياخذ الصك كون بي ريحت خيم
وكون باچي اعله الحسين بكل يقين
كون بي سولة بچي بگد الدمع
وعالاقل من اللطم كاسر ضلع
حتى حيدر من يشوفه يقتنع
وحتى يستاهل جزاء المحسنين
حيدر يجازي على اعمال البشر
بكل عمل انته تعمله وبي اثر
والاعمال امسجله يم المنتظر
والامام المهدي من الشاهدين
المهدي شاهد على اعمالك والفعل
بكيف امامك تنقبل ما تنقبل
وي امامك رابطه خلي وحبل
ولازم يكون الحبل حبل المتين
حتى حيدر بالحشر يشفع الك
باچر من اتدور ويدور الفلك
شما يصلي المايحب حيدر هلك
شما يقدم يصفه من الخاسرين
صيح من گلبك الليله بكل جرح
السيف مايعرف مقامه اشگد وكح
اتجاسر اعله المرتضى بفرض الصبح
ونزف هام المرتضى الدر الثمين
موشح نجفي
هذي اخر عَشره لو اخر جرح
كَضه عمرك وانت بجروحك ملح
...........
مثل ما سِألوني كَلتلهم قبِل
ارد اسألك سيدي يابو العدل
هذا اخر جرح عندك من نذل
لو كضيت ايام عمرك منجرح
..........
واني محتار ابخيارين واريد
ينكَطع وياك من عندي الوريد
ليش باخر عشره من شهر العبيد
ينطبر راسك واريد الهه الشرح
...........
بعد عندي شكم سؤال وادري بيك
حيل مابيك واحس ممدوده اديك
ليش وي رمضان هجمتهم عليك
هالامر مولاي لازم يتضح
............
جرح راسك لو جرح كَلبك غميج
ابكَلبي شب ياحيدره اعليك الحريج
هالجروح من العده لو من صديج
كون تشرحلي وجوابك مايشح
............
مو احزامك ينحل اعله اعتاب باب
وانت مثل الليث لو شَد الضراب
بيهه سر هذي واريد أنه الجواب
كَلبي محتار المصابك منقرح
.........
يا نوائح تقصد من الوَز يصيح
خاف تقصد سيدي حسين الذبيح
راح يبقه ابكربله عاري وطريح
بس بعد سر عندك بذاك الصبح
.........
مانمت ليلك ومتهاب الممات
ولاتريد الدنيه مابيهه حياة
شنهو شاغل بالك اتضل ماتبات
اختلف سهرك هذا عن عمر الفلح
..........
علي موش اجدامك التثكَل محال
لهذا يامولاي اريد اسأل سؤال
ليش بجدامك احس ثكل الجبال
وكَوه ترفعهن يبو ممشه الرمح
...........
بعد ياحيدر علي عندي نِشِد
انت بالبيت ابمجيئك منولد
ليش هم ابيت ربك تنضهد
والجرح راسك دوه لا مايصح
............
ادري مو حاجة لبن تطلب تشوف
تجي ايتامك سيدي ابابك تطوف
ليش رايدهم علي ابذيج الظروف
بيهه عندك معنه اكبر بالطرح
.............
هاي بعض الاسأله واكثر تره
بمعجزة افكار شخصك مقدره
تبقه روحي ياعلي متحيره
منك ارجو لهاي اسألتي الصفح
الشاعر
ياسر العارضي
النظر في وجهك عباده
النظر في وجهك عباده
وهايه صارت عندي عاده
شلون اعوفك يا علي/ بويه أريدك ياعلي
***
الكون اشوفنه بضحكتك شلون اشوفك منطبر
بويه اكعد صلي فرظك من قبل شمس الظهر
بعد ما بي حيل افارك بيه لجمات شكثر
فاگده وظليت اعاني وانا مليت الصبر
جرحك الما بيه اروفه
انلجم كل ما اشوفه
بالحزن راح ابتلي
شلون اعوفك يا علي/ بويه أريدك ياعلي
**
بويه كتبيت الوصيه واضن ناوي اعله السفر
ولو رحت يابو الحمية بيه شيسوي الدهر
راحت امي وراح ابويه وبجي محنية الظهر
خاطري وكلبي على فكدك كسرت الجامه انكسر
حايره عيوني على شوفك
يا النظر ما بيه اعوفك
بويه اموتن لو تجي
شلون اعوفك يا علي بويه أريدك ياعلي
***
تحزمت روحي بحزنها ولدمع شك الجفن
وباجر عيوني تشوفك يا علي من تندفن
جدامي تمشي ويا اليشيعك والحزن يتبع حزن
ومن كثر هجر الليالي زينبك ظلت تون
ادري رايح ما تجيني
ياحياتي ويا حنين
ما يصح مثلك ولي
شلون اعوفك يا علي بويه أريدك ياعلي
****
بويه لجمتني اليالي وجرحي حالي معلعله
بفركت الزهراء الزجيه وفركتك كلبي بتله
ياعلي يابو الشدايد فكدك اكبر مشكله
وانا ما ظل حيل بيه شراح اظم لكربله
راح اظل بس العبايه
وكربله باجر ورايه
وياهو يبره المحملي
شلون اعوفك يا علي بويه أريدك ياعلي
****
شكثر ما احجي واسولف همومي كثره وما كظن
ومن كثر دمعي البجيته راحن عيوني وعمن
بويه يا حيدر يغالي جنت احس حظنك وطن
صبر ما ظل بيه واصبر والوطن شفته اندفن
قاسيه هواي الليالي
هيج ما جان على بالي
اتيتم انا وكافلي
شلون اعوفك يا علي بويه أريدك ياعلي
*
ابو هاجر المجراوي
صايم وراسك فطر
صايم وراسك فطر ** ياعلــي بسيف نشطر
ليلة التاسع عــشر ** بالـــــجرح
-------------------------------------------
1= ياعلي بشهر العــباده خضبو شيباتك
والفجر كوه أيتنفس كوضت نسماتك
جم مـلك فاتح أذانه يستمع دعواتك
ماسمع نغـــمة دعائك بس سمع أهاتك
--------------------------------------------
فائــز وربي صحت ** وسط محرابك طحت
العزه لله وضحت ** بالـــــجرح
****
2= تختلف عالكل صلاتك تركـــض ألها الأيه
والسمه بالحضة سجودك تصبح مصلايه
بالدعاء الدمعه منك للـــــــــدعاء أمرايه
وأنته ماضايع يحـــيدر بين هايه وهايه
------------------------------------------
أتسولف وياك السمه ** أبدونك أتحس أبضمه
والكمر شوفه أنعـــمه ** بالجــــــــرح
3= بخر المحــــــراب دمك ياعلي ومن بخره
نزلت دمـعـــــة محمد والعـرش والأخره
أتهدهد الكون بوجوده جنه هامه أمطبره
وأنبياء الله تعزي عالــــجرح لزمو سره
---------------------------------------
يافرض عايف فرض ** تنحب أعليك الأرض
ياعلي طول بعـــرض ** بالــــــجرح
***
4= زينب أبطرف العمامه عكدت أحلام العمر
كعـــــدت بأخـــر محطه رادتك بيهه تمر
نفــــس ماضل بصدرهه جمر تتنفس جمر
ياحضن دافي يلمهه ياعلـي بالليل الهجر
----------------------------------------
أتسولف الجرحك دمع ** والجرح ضل يستمع
ونهشم منهه الضــلع ** بالجـــــرح
***
5= ياضماد يداوي جــرحك يادوه يـــــشافي دوه
تصبح النسمه شحيحه لمـــــــن يموت الهوه
المثلك أوكرب رحيله يــــــــندفن كون بضوه
والترب اليغطي جسمك يمسي عالي المستوه
-------------------------------------------
مقـــــبرة ياس أورد ** عله مودك تــنوجد
والعرش راسك يشد ** بالجــــــرح
****
6= لبست ثوب اليتامه بــروحتك الحسينك
وأكتبت بالدم يبويه يعــينك الله يعينك
كربله وسيف وضماهـه بكربله متانينك
والحجر لازم يغالـــي أيصوبك بجبينك
--------------------------------------
كاتب بدمــك جمل ** مشرعه وخيمه وحبل
رحت ياخير العـمل ** بالجـــــــرح
***
خادم العتره الطاهره عبد الجليل المالكي
اسألوني قبل ان تفقدوني
………………………………………………………………
اسألوني ... گبل لا انزف دمـه
اسألوني ... عن ارضكم والسمه
أنا للتايه نجم ••• انا باب الكل علم
………………………………………………………
اسألوني وكبل لا يدنه الجرح
كبل لا راسي ابغدرهم ينفتح
كبل لا تنعه السمه بذاك الصبح
و رحمة الله العظمه من عدكم تشح
انا نعمه ... ما تدوم الا بشكر
انا نعمه … تنعرف يوم الحشر
ينجه بيها الملتزم ••• انا باب الكل علم
…………………………………………………………..
اندل دروب السموات السبع
من جبيني الشمس مضويه وتشع
الگمر چي والاني هل ظل مرتفع
اسمي ما بين الكواكب ينسمع
جنة الله … خذت من نوري وضوت
جنة الله … لأن ملكـي اتقـدست
أمن الملائك انخدم ••• انا باب الكل علم
……………………………………………………..
انا باء البسمله بكل السور
انا جنة عدن للواله وشكر
انا للعاداني نيران وسقر
انا ميزان القيامه اعل لبشر
بيدي بيدي … اسقي من حوض العذب
بيدي بيدي … امسـح بوجه المحب
انا يمك لا تهم ••• انا باب الكل علم
………………………………………………………
انا حيدر حاضر ابكل الشدد
اتنخه نوح وناده ياحيدر مدد
ولهب ابراهيم من نوري انخمد
بسمي صاحت مريم وعيسى انولد
انا حاضر ... ابسيفي فلقيت البحر
انا حاضر … موسى من عزمي انتصر
سيفي ع اليم منرسم ••• انا باب الكل علم
…………………………………………………………..
مثل هارون او يموسى اتوصفت
حزام ظهر الوالد الزهره اصبحت
شكد ثجيله اهمومه وانا الجاسمت
بعت روحي لاجله بفراشه ونمت
انا روحه … و هو نسـمات الهوه
انا روحه … و وجهه لعيوني ضوه
احنه نور و منجسم ••• انا باب الكل علم
……………………………………………………………..
انا سيف الله الگطع راس الكفر
انا عزراييلها ابسـاحة بدر
سيفي مركب ما عرف مد وجزر
محد يواجهني چن شمس الظهر
كلها شردت … يوم خانونه بأحـد
كلها شردت … وانا احل بيهم واشد
واحصد بروس الزلم ••• انا باب الكل علم
………………………………………
✍️ ( سيد خضر الزاملي )
آذان الجرح
أستشهاد أمير المؤمنين ع
أذن آذان الجرح ونطبر وجه الصبح
صاح صايح بالسمه طاح حماي الحمه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
صاح صايح بالسمه طاح الفرض
أنفصمت العروه أو بعد بيمن نكض
الكون أظلم والحزن غطه الأرض
طاح مصيوب الأمام بعد عالدنيا السلام
الدنيا صارت مظلمه طاح حماي الحمه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
طبرو القرآن ويلي أبهامته
طاح ما كمل صلاته أوسجدته
الله يلعنها العصابة الضدته
أهتزت السبع الشداد لابس الدين السواد
راح راعي الغانمه طاح حماي الحمه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
نادى جبرائيل حي أعلة العزاء
أنغدر بالمحراب سيد الأوصياء
راح أبو الأيتام عنوان الوفاء
تنزف آيات الكتاب راح گضاي الصعاب
هامته متخذمه طاح حماي الحمه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الأمّة غدرته علي بشهر الصيام
ناس باعت دينها أوطاعت قطام
على الدنيا العفه من راح الأمام
الشيعة راحت تنولي من بعد حيدر علي
شيعته متألمه راح حماي الحمه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
أنهدم سور الدين ضل بلاية سور
الكون چان أبمينته حيدر يدور
والله لو ينباع نفديله النحور
عگبه صعبه المسأله كلنا فدوه أنروح أله
مو دمع نبچي أبدمه راح حماي الحمه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
عسه أنشلت يمنته ذاك اللعين
أشلون يتجرى أعله حبل الله المتين
فجع گلب الطاهره أوطه الأمين
الدين هليله أنفجع علي أبمحرابه وگع
أشگال كلبچ فاطمه طاح حماي الحمه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كلمات الشاعر والرادود عدي البصراوي
ياعلي ومن غيرك
وي طرت الفجر ولگلب مدري اشبي
احس حسره الفتني وروحي مختنگه
موادع مو حجي بسكته وحجينه اهواي
بيني وبينه صارت تكبر الفرگه
-----------------------------------------------
ابلحضات الاخيره ولحجي اهواي*
سوالف سكته جانت
الحجي يغلبه الدمع لو صار الوداع*
ولحضة هجر حانت
اول مره اشوفه هيج مكسور*
بوجهه الحيره بانت
علامك ياعلي دمعي الي ناداه*
بينه الدنيا خانت
انوه اعله السفر لاكن بلايه امتاع
گلبي ماسكن ولخوف گبعني
يحيدر ارد اگله موش طبعك هاذ
تحاجيك العزيزه وما تجاوبني
-------------------------------------------
يحط عينه اعله وجهي ومارمش عين*
اولاميلهه عني
بسكوته اشگد حچالي آلام وحزان *
بنضراته ذبحني
نَضرته موش مال ايروح ويرد*
نضرته ايروح مني
دعاء الغايب انه صرت اقراا.*
افراگ انترس ضني
يكابر لاكن اعيونه تفيض افراگ
الهجر مرسوم صار وشاعت اخباره
صرت بين الاودعه وبين اگله اشلون
حيره احتار گلبي وشلهب ابناره
-------------------------------------------
حيازيمه يشدهه وسمعه ايگول*
اتلگه الموت حيدر
اريد انطقهه كلمت لا يبو حسين*
ابصدري الصوت يعثر
اعله هونك صحته يالناوي اعله الفراگ*
تسمع گلبي تگدر؟
اشلون اخلاف عينك تنسكن دار*
ياصبري التفسر
علي هوه الصبر وبيش اصبر الروح
اقنع روحي بالسالم يرد ليه
ناوي السفرته وشدشد رحال الموت
وانه الكون اضلم اصبح اعليه
-------------------------------------------
مشه وخطواته جانت موش عالگاع*
بگلبي جنت احسهه
تعال وصبر الروح اعله الفراگ *
وتودع ونسهه
دنيا وبعد ابوي اشلون تنعاش*
مو دنيا احسهه
روح اشلون تبقى اتعيش ياناس *
من تگطع نفسهه
بكسرة خاطري ودمعي صرت ادعي
يربي الراح رده وعجل ابأمره
انذرلك عمر لو يرد سالم كون
وتشفي الفرحه صدري وتنطفي العبره
-------------------------------------------
يالرديت يونس من بطن حوت *
موصعبه ترده
اهي طلبت يتيمه وسالم ايعود *
وحيلي بي اشده
جزه نوحي الفگد ضنواه بالبير *
ويا دمعي التبده
تره الفاگد مهجته وفاگد الروح*
گلي ايشبقه عنده
ردلي مو علي ذاك المشه عني
ابلايه اعمامه رد وشيبه متخضب
اصدگ عيني حيدر هذه اليحملوو
انه شفت العجب يم وضعه متعجب
-------------------------------------------
مطبور اعله راسه من اجه الحيد*
بي كلشي تغير
علي ذاك اليخوف الخوف نحلان*
ابخطواته تعثر
ساند دنيا چان بحيله مسنود *
وبأمره تحيير
كلشي ازغير صار ابعيني ينشاف*
بگلبي همي يكبر
عتابي اعله الوكت اشلون خان وياه
القالع باب خيبر ماسند طوله
منو ايصدگ علي يتعثر ابممشاه
ابو الحيل ويدور الحيل معقوله
-------------------------------------------
علي سليم الحسناوي
من كد البجي
من كد البجي ماضلت ادموع
اون بويه بحزن والصوت مسموع
وجهك عيد رمضان
لتخليني بحزان
..............
زينب آنه بويه وگلبي لهفان
ادور على اضمادك وين ماجان
جرحك مامخلي بوجهك الوان
شيجيب الزجيه البيت الاحزان
محد يعرف بجرحك دوا وين
منين انجيبلك جف ام الحسين
هيه تنشف الاجفان
لتخليني بحزان
.............
شيرجعهه امي صعبه يالحيد
تشفه اعله الجرح لمن تحط ايد
اشوفك بين اديهه و ونك ايهيد
بويه ياعلي شيجيبه البعيد
سر هذا البُعد مخطوط بكتاب
اصبري يالعقيله بفكد الاحباب
صار بخدي نيشان
لتخليني بحزان
.............
اغطيك بعباية امي ودكوم
اخاف تشم عطرهه ويثكل النوم
عمرك بالسهر كضيته ما يوم
شفتك عل وساده تلوج ملجوم
سواد الليل يخطف من يمر بيك
تطلع عالشمس ماتطلع اعليك
صوتك عندي آذان
لتخليني بحزان
.............
تدير اعلينه عينك بويه بحساس
رغم كل الالم وعصابت الراس
هواي تمعنت بعيون عباس
تخاف اعليه تدري بغربة الناس
توصي الگمر انته الكافل تصير
ماريد بغيابي زينب تحير
عدنه هواي عدوان
لتخليني بحزان
..............
طبيبك شاف جرحك ونجرح بيك
عجز منه وفلا يكدر يداويك
بويه ارفعلي راسك خل احاجيك
الجرح لو دمعتي اكثر تئذيك
تريحني اريد بكلمة الزين
الخاطر دمعتي والكسرة حسين
وگلب الحسن نيران
لتخليني بحزان
............
هاي عيوني من نضرت على ادماك
احس گلبي يكلك الله وياك
دوه المجروح انته وضايع ادواك
راح اشتاكلك يالصعب فرگاك
عكب ماجان طولك بي يشع نور
يصير هناك ملكانه بالكبور
ويغطيك تربان
لتخليني بحزان
------------------
محمد هادي العقابي
صعبه يا كلبي
صعبه يا كلبي الحبايب من يروحون
والتكتلك بالمكابر من ينامون
بويه عاين حالي // الموت والله اشوالي
****
انه زينب يالعفتني بداري حزنانه
صرت بغيابك يحيدر ورده ذبلانه
بيمن انعيد يغالي العيد لو جانه
جنت كل عيد انته بويه اتعيد ويانه
العيد اجه وهاي السنه لا ما اريده
شله بالعيد اليفارك بويه عيده
الف حسبه ابالي // الموت والله اشوالي
*
شيبت راسي المصايب ونكطع ضني
بويه حته البويه ماتت من رحت عني
سالت دموعي اعله خدري وزيدت وني
وتدري بفراكك يبويه اهواي اخذ مني
اوياك اموتن يالعفتني اشكد تمنيت
بويه كمت اكره بدونك طبت البيت
خيبيت امالي // الموت والله اشوالي
*
هيه مو كلمه وكولن تنسي العشره
احله شي بالدنيه بويه ضلت الذكره
كالو اليفكدله غالي ينكسر ضهره
وانه مو بس ضهري بويه اضلوعي متكسره
صحت يا دهري دخيلك وين الاحباب
اشلون سلوت عمري نايم حدر التراب
مني ضاع اهلالي // الموت والله اشولي
****
مدري شبسرعه يبويه غمضت عيونك
كلشي ما يسوه وغلاتك عمري من دونك
الفاتحه اقراها اعله روحي من يدفنونك
واليتامه اشراح اكلهم من يفكدونك
كلها تدعي يا علي اتكوم ابسلامه
ياهو من بعدك يحن اعله اليتامه
ضلت ابلا والي // الموت والله اشوالي
***
يا علي شخبار جرحك وانته شخبارك
اتجمعت كل اليتامه وتنحب بدارك
بويه من يوم العفتني ما طفت نارك
بالسمه يابو المحنه انحجبت انوارك
الليله محرابك يون والفكدك اينوح
انته جرحك يا علي مو مثل الجروح
امجانك اصبح خالي // الموت والله اشوالي
*
ضلت ابدلالي تسعر جمرت احزاني
ليش بويه وياك كلي الموت ما جاني
افرك براحات اديه دهري خلاني
ياهو يمسحلي دمعتي ودمعة اخواني
حاير الليله الحسن ودموعه بالعين
وشابك اهدومك يبويه ويبجي الحسين
بغيبتك يالغالي // الموت والله اشوالي
*
تحسين الخفاجي
يروحـي اتحمِّليهـا
ياعلي ياعلي ياعلي
يلي شايل هالنعش
بهيده مو قلبي انخمش
دمع بعيوني انفرش
جروحي كاتلها العطش
يا علي يا…… علي يا علي ياعلي
***
ليش تابوته نزف
والهوه يمه رجف
راح لتراب النجف
للسمة اصوابه انكشف
يا علي يا…… علي يا علي ياعلي
***
بالله بالك بالدفن
علي الصنديد الرزن
قلبه ما يحمل حزن
لولده ولزينب يحن
يا علي يا…… علي يا علي ياعلي
***
ياشفعنا ويا وتر
شلون نحمل هالهجر
والصبر مل الصبر
والالم ما ينگدر
يا علي يا…… علي يا علي ياعلي
***
يا امامي الاولي
ياختامي ويا هلي
بيك يندق عاذلي
جي شفيعي انته علي
يا علي يا…… علي يا علي ياعلي
***
هاي لحظات البعد
الفگد صعبه الفگد
حيدره اليوم بالحد
فوگ تربانة ورد
يا علي يا…… علي يا علي ياعلي
***
خل نودعه بهالشهر
جان للفقرة نهر
تشهد اعيونه سهر
جان لايتامه ظهر
يا علي يا…… علي يا علي ياعلي
***
الله بيك احي السنن
ونعم يا بو الحسن
يقضي سيفك عالفتن
خففت كل المحن
يا علي يا…… علي يا علي ياعلي
الشاعر زين العابدين الشمري
ليش دنياه
ليش دنياه خانت وياه
واعلياً واعلياه
*
هدّوا اركان الهدى من كل كتر
بلاذريعه ولالكوا عدهم عذر
فجعوا افلاك السمه ابهذا الغدر
دين الله بلاذنب ليش انطبر
الجان بحماه شلون جازاه
واعلياً واعلياه
*
اجت اقدار الزمن ليلة قدر
رحت يلماكملت صوم الشهر
شغيّرت بالدين من حال وامر
شنهو ذنبه بيش ظالم يعتذر
ابليس وداه يخون مولاه
واعلياً واعلياه
***
شلون غدّار بضوه الحق يهتدي
العنده مبدء بالغدر مايبتدي
وصاحب الحق مايخون ويعتدي
هذا فعل المو وفّي وطبعه ردي
بسيف خلاه تنزف ادماه
واعلياً واعلياه
****
صوت للحق ياعلي ماينكتم
هازم الاحزاب ومهدم الصنم
امجرب الافعال معروف الاسم
ناصر الاسلام ومثبت القيّم
هاي دنياه خانت وياه
واعلياً واعلياه
**
يلرفعت الدين ياحيدر طحت
منطبر بالسيف وتنادي فزت
شلون حال ام الخدر تبجي اجت
من بعد عينك اشضملها الوكت
صاحت اباه ويل ويلاه
واعلياً واعلياه
****
ياوجه ابيض تلّون بالدمه
عيون بيهن فوز ينظر للسمه
بهلوداع ايصير ملكه فاطمه
ويبتدي عمر الصدك بالخاتمه
صاحب الجاه هناك وهناه
واعلياً واعلياه
الشاعر حسن لعيبي الحريشاوي
لطميات استشهاد الامام علي,لطميات استشهاد الامام علي عليه السلام,لطميات استشهاد الامام علي ابن ابيطالب,لطميات الامام علي ع,لطميات بحق الامام علي,لطميات عن امير المؤمنين,لطمية استشهاد الامام علي,الامام علي عليه السلام قصائد,لطمية استشهاد الامام علي باسم الكربلائي
