نقدم لكم اكثر من قصيده مكتوبه لمناسبه استشهاد الامام علي عليه السلام
استشهاد امير المؤمنين ع
القصيدة الأولى
القصيده الثانيه
صعبه يا كلبي الحبايب من يروحون
والتكتلك بالمكابر من ينامون
بويه عاين حالي // الموت والله اشوالي
****
انه زينب يالعفتني بداري حزنانه
صرت بغيابك يحيدر ورده ذبلانه
بيمن انعيد يغالي العيد لو جانه
جنت كل عيد انته بويه اتعيد ويانه
العيد اجه وهاي السنه لا ما اريده
شله بالعيد اليفارك بويه عيده
الف حسبه ابالي // الموت والله اشوالي
*
شيبت راسي المصايب ونكطع ضني
بويه حته البويه ماتت من رحت عني
سالت دموعي اعله خدري وزيدت وني
وتدري بفراكك يبويه اهواي اخذ مني
اوياك اموتن يالعفتني اشكد تمنيت
بويه كمت اكره بدونك طبت البيت
خيبيت امالي // الموت والله اشوالي
*
هيه مو كلمه وكولن تنسي العشره
احله شي بالدنيه بويه ضلت الذكره
كالو اليفكدله غالي ينكسر ضهره
وانه مو بس ضهري بويه اضلوعي متكسره
صحت يا دهري دخيلك وين الاحباب
اشلون سلوت عمري نايم حدر التراب
مني ضاع اهلالي // الموت والله اشولي
****
مدري شبسرعه يبويه غمضت عيونك
كلشي ما يسوه وغلاتك عمري من دونك
الفاتحه اقراها اعله روحي من يدفنونك
واليتامه اشراح اكلهم من يفكدونك
كلها تدعي يا علي اتكوم ابسلامه
ياهو من بعدك يحن اعله اليتامه
ضلت ابلا والي // الموت والله اشوالي
***
يا علي شخبار جرحك وانته شخبارك
اتجمعت كل اليتامه وتنحب بدارك
بويه من يوم العفتني ما طفت نارك
بالسمه يابو المحنه انحجبت انوارك
الليله محرابك يون والفكدك اينوح
انته جرحك يا علي مو مثل الجروح
امجانك اصبح خالي // الموت والله اشوالي
*
ضلت ابدلالي تسعر جمرت احزاني
ليش بويه وياك كلي الموت ما جاني
افرك براحات اديه دهري خلاني
ياهو يمسحلي دمعتي ودمعة اخواني
حاير الليله الحسن ودموعه بالعين
وشابك اهدومك يبويه ويبجي الحسين
بغيبتك يالغالي // الموت والله اشوالي
*
تحسين الخفاجي
القصيده الثالثه
استشهاد_الامام_علي_ع
يا علي يا…… علي يا علي ياعلي
ΠΠΠΠΠΠΠΠΠΠΠΠΠΠΠΠΠ
يلي شايل هالنعش
بهيده مو قلبي انخمش
دمع بعيوني انفرش
جروحي كاتلها العطش
يا علي يا…… علي يا علي ياعلي
ΠΠΠΠΠΠΠΠΠΠΠΠΠΠΠΠΠ
ليش تابوته نزف
والهوه يمه رجف
راح لتراب النجف
للسمة اصوابه انكشف
يا علي يا…… علي يا علي ياعلي
ΠΠΠΠΠΠΠΠΠΠΠΠΠΠΠΠΠ
بالله بالك بالدفن
علي الصنديد الرزن
قلبه ما يحمل حزن
لولده ولزينب يحن
يا علي يا…… علي يا علي ياعلي
ΠΠΠΠΠΠΠΠΠΠΠΠΠΠΠΠΠ
ياشفعنا ويا وتر
شلون نحمل هالهجر
والصبر مل الصبر
والالم ما ينگدر
يا علي يا…… علي يا علي ياعلي
ΠΠΠΠΠΠΠΠΠΠΠΠΠΠΠΠΠ
يا امامي الاولي
ياختامي ويا هلي
بيك يندق عاذلي
جي شفيعي انته علي
يا علي يا…… علي يا علي ياعلي
ΠΠΠΠΠΠΠΠΠΠΠΠΠΠΠΠΠ
هاي لحظات البعد
الفگد صعبه الفگد
حيدره اليوم بالحد
فوگ تربانة ورد
يا علي يا…… علي يا علي ياعلي
ΠΠΠΠΠΠΠΠΠΠΠΠΠΠΠΠΠ
خل نودعه بهالشهر
جان للفقرة نهر
تشهد اعيونه سهر
جان لايتامه ظهر
يا علي يا…… علي يا علي ياعلي
ΠΠΠΠΠΠΠΠΠΠΠΠΠΠΠΠΠ
الله بيك احي السنن
ونعم يا بو الحسن
يقضي سيفك عالفتن
خففت كل المحن
يا علي يا…… علي يا علي ياعلي
الشاعر زين العابدين الشمري
القصيده الرابعه
ليش دنياه خانت وياه
واعلياً واعلياه
*
هدّوا اركان الهدى من كل كتر
بلاذريعه ولالكوا عدهم عذر
فجعوا افلاك السمه ابهذا الغدر
دين الله بلاذنب ليش انطبر
الجان بحماه شلون جازاه
واعلياً واعلياه
*
اجت اقدار الزمن ليلة قدر
رحت يلماكملت صوم الشهر
شغيّرت بالدين من حال وامر
شنهو ذنبه بيش ظالم يعتذر
ابليس وداه يخون مولاه
واعلياً واعلياه
***
شلون غدّار بضوه الحق يهتدي
العنده مبدء بالغدر مايبتدي
وصاحب الحق مايخون ويعتدي
هذا فعل المو وفّي وطبعه ردي
بسيف خلاه تنزف ادماه
واعلياً واعلياه
****
صوت للحق ياعلي ماينكتم
هازم الاحزاب ومهدم الصنم
امجرب الافعال معروف الاسم
ناصر الاسلام ومثبت القيّم
هاي دنياه خانت وياه
واعلياً واعلياه
**
يلرفعت الدين ياحيدر طحت
منطبر بالسيف وتنادي فزت
شلون حال ام الخدر تبجي اجت
من بعد عينك اشضملها الوكت
صاحت اباه ويل ويلاه
واعلياً واعلياه
****
ياوجه ابيض تلّون بالدمه
عيون بيهن فوز ينظر للسمه
بهلوداع ايصير ملكه فاطمه
ويبتدي عمر الصدك بالخاتمه
صاحب الجاه هناك وهناه
واعلياً واعلياه
الشاعر حسن لعيبي الحريشاوي
قصائد استشهاد الامام علي,قصائد الامام علي ع,قصائد الامام علي ابن ابي طالب,قصائد الامام علي بن ابي طالب عليه السلام,الامام علي عليه السلام قصائد,وفاة امير المؤمنين علي بن ابي طالب,من قصائد الامام علي عليه السلام,لطمية استشهاد الامام علي,لطميات الامام علي الامام علي
القصيدة الخامسة
سيف الكفر صاب راعي الحميه
وحزنانه الاحباب بهاي المسيه
طاح الولي طاح بسيف المرادي
وفرحت بالمصاب كل الاعادي
الشيعه حزينه تنوح وتنادي
حيدر غدر راح ونصبو عزيه
المسجد بجه اليوم لطبرت علينه
ومحرابه محزون والكوفه حزينه
وعرش الله مجروح وحته المدينه
وكلب النبي انصاب وكلب الزجيه
نوره انطفه وغاب عن اليتامه
شلون الوصي يروح وماتم صيامه
عد الله معروف حيدر مقامه
بساعة صلاته جته المنيه
حيدر فزت صاح ساعة مصابه
هوه يد الله وجامع كتابه
يصعب عله الناس هجره وغيابه
مثله فلا صار خير البريه
انجمعو بالمصاب كل المواليين
ويه زينب تنوح وتواسي الحسين
ظلمت سمه الكون لمحامي الدين
وثالث جرح صار للهاشميه
خادم امير المؤمنين عليه السلام
حسين الخزعلي
القصيدة السادسة
ياعلي جاء البشير
داعيا شوق الامير
.........انه الموت الاخير
*****************
انه حيدر وبدموعي ينكتب نهج الامامه
شاهدت حسره الكواكب بينت جرحي علامه
يستعد ثوب المنيه والاجل حزم ظلامه
جانت السجده الاخيره وضحت عمري وختامه
ها هنا كان النداء
يا علي من السماء
للردى كيف تسير
****************
هذا ابن ملجم اشوفه مرتدي ثوب الرزايا
نايم وسيفه عله بطنه مطوك بحبل المنايا
لكن ادري بهايه تحكم مايصير اله بجنايه
سجدتي كانت خلودي ينختم عمري النهايه
قاصدا سفن الحياة
يرتدي ثوب الممات
أنه جرح الامير
*****************
اتوجهت محرابي وانه كبرت كل الجوامع
وملك اصبح ينادي ياعلي بصوت المدامع
هذا ابن ملجم يتاني الصبح لمن يطالع
كبر بصوتك يحيدر انطبر سيف الله راجع
ساجدا بين القنوت
لا ارى كيف اموت
هكذا أمر القدير
**************** اسمع بصوت المنادي شد حيازيمك يحيدر
جارت ايامي عجيبه الطبر مرحب تصور
فزت رب الكعبه ردد مشهد العالم تغير
والأذان بصوتي يرفع والفرض وياي كبر
سجدتي كان الخلود
هاتفا يبكي السجود
والى الله المصير
*****************
راجع الداري ونادي والدمه بثوب الامامه
والسحب لملم نجومه تغير الكون بنظامه
معصب براسي وشفت طبرتي مفشوكه هامه
انه قتال الاشاوس من عله دنيا سلامه
انه كان اشتياق
للعلى يمضي البراق
لنبي كنت النصير
*****************
خادمكم
يوسف الفتلاوي
القصيده السابعه
مودعينك يا علي نام بسلامة
واليتامة لاتهم بأمر اليتامة
رايح الله وياك ... ما نسينه رباك
نام بسلامة
___________
الفرگة صعبة يالولي وشلون بينا
خيمة انت الچانت مخيمة علينا
الموت حگ يا والدي واحنة شبدينا
اعلينة سير واشتفة من دم ولينا
واليفارگ والده يا حال حاله
الدنيا تصبح سجنه ويودع دلالة
يا عمر بجفاك ... مانسينه رباك
نام بسلامة
_______________
بوية بعدك اصبح نهاري ليالي
انت غوثي ومن طحت يا هو البگالي
عالقهر والنوح افطر هذا حالي
راح عزي وهيبتي وعمري ودلالي
اه يبوية الحره من يسأل عليها
من تودع للثرى عزها اوليها
مالي اسم لولاك... ما نسينه رباك
نام بسلامة
__________________
العدل اصبح يتيم وينعى بعدك
ركن دين الله انهدم من ساح دمك
شفت ضحكه شامت تلوح ويهمك
و صرخه من صوت اليتامى تنادي بسمك
يا علي تنده يا والينا وابونا
بعدك الدنيا تذلنا وي عدونا
منين اجيب شفاك ... مانسينه رباك
نام بسلامة
___________________
مودع بالله يحيدر لاتهم دوم
يالشهر الله لمصابك صار مهموم
مانسيناها اليتامى ها يمظلوم
وگبل عيد الله اشترينة الهم هدوم
شما يگرب العيد بوية يزيد همنا
هذا ياعيد اليمر ولا ابو يمنا
يا الم فركاك... مانسينه رباك
نام بسلامة
______________
اه ياون الحنينة اعلا ابوها
وشتريد الناس يومن يتموها
من زغرها الدمع والهم رافگوها
وبعد هم طشت ونحر وايداگطعوها
يساعد الله زينب بهاي الاسية
تنا دي بوية ياعلي هاي المسية
يا عظم بلواك ... مانسينه رباك
نام بسلامة
__________________________
ارتاح يا بوية وتحزم بالشهادة
وياهو مثلك عابد لربة عبادة
الدنيا غبرة وماتريد الحگ قيادة
رافگت كل ناصبي واخذت مراده
ما تحب الا اليعاديكم طبعها
والي رافگها حصد باجر جرمها
خصمه انته هناك... مانسينه رباك
نام بسلامة
___________________________________
وشيعته االليلة تنادي واماماه
واه عليا واعليا واعلياه
لبست عليك السواد وتجذب الاه
تصيح هالليلة صبحنه احنه يتاماه
دمعة الشيعة جرح عالوجنة تدي
لا ما تطفى الا يوم يثور مهدي
قائمك لو جاك ... مانسينة رباك
نام بسلامة
_________________________
